Prof. Dr. Fadil Çitaku e hap pjesën shkencore të Kongresit “Onkologjia e Ardhshme” në Brazil

Akademia e Shkencave të Lidershipit të Zvicrës (ALSS) dhe Instituti për Avancim Kombëtar (IPAK) kanë dhënë një kontribut të rëndësishëm në Kongresin “Onkologjia e Ardhshme” të organizuar nga Grupi Oncologica në kryeqytetin e Brazilit, Brasília

IPAK dhe ALSS u përfaqësuan nga themeluesi i ALSS dhe bashkëthemeluesi dhe kryetari i IPAK-ut, Prof. Dr. Fadil Çitaku, Ph.D.

Prof. Çitaku hapi pjesën shkencore të kongresit me një prezantim 60-minutësh mbi temën “Shkenca e Lidershipit Mjekësor dhe Rëndësia e Tij Sot”, ku prezantoi shumë modele dhe punime kërkimore të publikuara nga vetë ai dhe shkencëtarë të tjerë të ALSS, me fokus të fortë në Neuroleadership.

Prezantimi i tij u ndoq drejtpërdrejt dhe online nga më shumë se 6,000 pjesëmarrës.

Në ditën e dytë të kongresit, Prof. Çitaku mbajti edhe dy prezantime të tjera të rëndësishme: “Kultivimi i Reziliencës në Lidership” dhe “Roli i Inteligjencës Emocionale në Lidershipin Mjekësor”.

Në këto seanca, ai ndau zbulimet më të fundit nga neuroshkenca dhe aplikimet e tyre praktike në fushën mjekësore. Të dyja seancat u pritën me angazhim të lartë dhe audienca tregoi interes të madh për këto tema.

IPAK dhe ALSS, kontribuon në përparimin global duke zhvilluar fushën e re të Lidershipit, veçanërisht Neuroleadership-in, i cili është 100% i bazuar në prova shkencore.

/Telegrafi/