Reddit thyen barrierat gjuhësore me veçorinë e re të përkthimit me AI

Inteligjenca Artificiale (Al) po shfaqet kudo në botën dixhitale dhe po sjell me vete disa veçori mjaft interesante.

Në fillim të këtij viti, Reddit krijoi një mjet përkthimi për përdoruesit në Francë dhe tani është vendosur të zgjerojë horizontet e tij edhe më tej për t’u lidhur me më shumë Redditor anembanë globit.

Nuk flisni spanjisht, por dëshironi të futeni në një diskutim? Nuk ka problem!

Mjeti i ri i përkthimit me AI që lejon përdoruesit të konvertojnë të gjithë burimin e tyre në gjuhën e preferuar, po shpërndahet në mbi 35 vende, duke përfshirë Spanjën, Brazilin, Gjermaninë dhe më gjerë, shkruajnë mediat e huaja, përcjell Telegrafi.

Ky funksion është i disponueshëm në të gjitha platformat.

Sa herë që dikush ndan një postim ose koment në gjuhën e zgjedhur, ai do të përkthehet automatikisht në gjuhën amtare të komunitetit.

Plus, në javët e ardhshme, një baner do të nxjerrë në pah këto postime të përkthyera dhe do t’ju japë mundësinë t’i shikoni ato në gjuhën origjinale.

Në lajme të tjera nga Reddit, platforma ka filluar së fundmi të testojë një tjetër veçori në trend: përmbledhjet e krijuara nga AI. /Telegrafi/