Kërkonin marrëdhënie në këmbim të rolit” – Aktorja flet për vështirësitë e fillimit të karrierës

Julia Iliriani, aktorja e njohur ka rrëfyer në nje emision televiziv tregon momentet e vështira në fillimet e karrierës së saj, nga studente në përfshirjen në aktrim.

Aktorja tregon se është ndjerë e kërcënuar dhe e frikësuar në periudhën ku studionte për aktrim, ndërsa flet për humbjen e disa roleve, për shkak se i kërkonin marrëdhënie seksuale në këmbim.

Ndërsa pyetet për periudhën e 92-tës dhe se si ka qenë periudha në konviki, Julia përgjigjet: Kishte kërcënime, nuk ishte thjesht një ngacmim në rrugë, me ngacmimet jam mësuar që kur fillova të hedh shtat. Por nuk më kanë ndodhur gjëra të tejskajshme, kam qenë e frikësuar, çdo gjë ishte e pasigurt.

Gazetarja: Ke thënë se ke humbur disa role?

Julia: Në atë kohë po, nuk e di se çfarë mendonin njerëzit, nuk futem dot në kokën e tyre”.

Gazetarja: Të ofronin një rol, në këmbim të një marrëdhënie me ty?

“Ideja ishte kjo, nuk ta thonin kaq hapur, por në forma të tjera. Shumë gjërave u kam thënë jo. Humba disa role, por nuk më mërzit kjo gjë”, përfundoi Julia. /Telegrafi/