Samsung dëshiron të blejë biznesin e rrjetit të Nokia-s

Informacioni i fundit sugjeron se Samsung i Koresë së Jugut është i interesuar të blejë një pjesë të biznesit të Nokia-s.

Ndonëse Nokia ka pasur probleme me lojtarët më të mëdhenj në segmentin e biznesit të rrjetit, si Ericsson dhe Huawei, kompania finlandeze është ende një nga lojtarët më të rëndësishëm në tregun e infrastrukturës së rrjetit.

Nga ana tjetër, Samsung ka degën e vet të Rrjetit të Qasjes në Radio (RAN), por është relativisht i vogël dhe kishte një pjesë të tregut prej 6.1 përqind vitin e kaluar, transmeton Telegrafi.

Tani personat e brendshëm të industrisë po ofrojnë informacione që sugjerojnë se Samsung ka dëshirë të blejë biznesin e infrastrukturës së rrjetit të Nokia-s për të rritur biznesin e vet RAN.

Thuhet se Samsung është gati të ofrojë 10 miliardë dollarë për këtë blerje. Nëse marrëveshja realizohet, Samsung do të bëhet efektivisht furnizuesi i dytë më i madh në botë i pajisjeve RAN, me një pjesë tregu prej 25.6 përqind.

Samsung tashmë prodhon stacione bazë 4G dhe 5G, çipa, pajisje, pajisje radio dhe elementë të tjerë të rrjetit, kështu që gjigandi i Koresë së Jugut nuk do të ishte një i ri në fushën e infrastrukturës së rrjetit. /Telegrafi/