Japonezja shpenzoi vetëm 1 euro në ditë për ushqim, më pas bleu tre shtëpi: Ëndrra mu realizua në moshën 37-vjeçare

“Mos ble ndonjë gjë nëse nuk mund të shitet”, është motoja e agjentes japoneze të patundshmërive.

Saki Tamogami pretendon se fillimisht nuk bleu rroba të reja dhe veshi gjëra që ia kishin dhënë miqtë apo familjarët.

Pastaj ajo zvogëloi sasinë e ushqimit ndërsa blinte kryesisht ushqime të lira, si petë, bukë të thekur ose rrepkë.

Pas tetë vitesh të këtij regjimi, japonezja bleu shtëpinë e parë dhe deri në vitin 2019 kishte në pronësi tre prona, shkruan odditycentral.

Ajo u shfaq në një program të njohur televiziv, ku tronditi japonezët me kursimin e saj ekstrem. Tamogami ka folur me detaje për pasionin e saj dhe ka treguar se “rrallëherë e ka tejkaluar buxhetin ditor prej një euro për ushqim”.

Nuk i interesonte grimi dhe parukeria, çfarë tjetër. Ajo preu flokët dhe i shiti për 20 euro. Kështu siguroi gjysmën e buxhetit mujor për ushqim.

Zonja thotë se kjo mënyrë jetese është e vështirë, por është mësuar dhe ka gjetur ngushëllim kur ka parë gjendjen e llogarisë së saj bankare.

Në moshën 27-vjeçare, ajo kurseu mjaftueshëm për të blerë një shtëpi, në veri të Tokios, për 62 mijë euro.

Ajo vazhdoi të kursente dhe brenda pak vitesh bleu një tjetër pronë për 111 mijë euro. Ajo ka ndarë 231 mijë euro për shtëpinë e tretë.

Saki shprehet se e ka arritur ëndrrën e saj, por vazhdon të jetojë me të njëjtin ritëm, si dhe të ndihmojë macet.

Saki Tamogami tashmë ka hapur një kafene për kafshët e braktisura në katin e parë të njërës prej shtëpive të saj dhe planifikon të investojë në prona të tjera. /Telegrafi/