Safet Kabashaj, anëtar i Bordit të Radio Televizionit të Kosovës (RTK), ka njoftuar sot dorëheqjen e tij nga kjo pozitë, duke theksuar se përpjekjet e tij për të rikonsoliduar një RTK të pavarur dhe kredibile kanë dështuar.
Ai ka publikuar në Facebook letrën e tij të dorëheqjes, ku shpjegon arsyet dhe zhgënjimet që e çuan në këtë vendim.
Kabashaj shprehet se kishte shpresuar që Bordi i RTK-së do të ishte në gjendje të ndërtonte mekanizmat e nevojshëm për konsolidimin e menaxhmentit të lartë dhe adresimin e problemeve, siç ishte çështja e artikullit boshnjak që shkaktoi polemika.
Megjithatë, ai thekson se dështimi i takimit të fundit të Bordit ishte një goditje e rëndë për këto përpjekje.
“Dështimi i djeshëm ishte goditje për të gjitha këto dhe tani është koha për t’ia kthyer Kuvendit mandatin që ma dha në dhjetor 2021. Pata shpresuar në vullnetin e gjerë politik dhe në pjekurinë, vendosmërinë e vizionin tonë në Bord për të rikonsoliduar një RTK kredibile e të pavarur. Koha tregoi se nuk doli as njëra e as tjetra. Si pasojë, unë po largohem për herë të dytë nga RTK-ja. Para kohe, por ndoshta pak vonë”.
Në letrën e tij, Kabashaj thekson zhgënjimin për faktin se standardet e vendosura në vitin 2022, kur një udhëheqës i mëparshëm dha dorëheqje për një lajm të gabuar, nuk u zbatuan edhe në rastin aktual.
“Kam pritur që standardi i ndërtuar në prill 2022, kur për një lajm të 1 prillit U.D. i Kryeredaktorit të atëhershëm pat dhënë dorëheqje, të aplikohej edhe tani. Fatkeqësisht nuk ndodhi edhe pas argumentimeve të shumta, përfshirë qëndrimet e paraqitura në Bord, e sidomos raporti i komisionit Ad-Hoc që konstatoi se shkelja e ligjit dhe standardeve profesionale të RTK-së kishte ndodhur”.
Ai pranon se Bordi ka kaluar shumë kohë duke diskutuar mbi të ardhmen e Drejtorit të Përgjithshëm, gjë që, sipas tij, ka dëmtuar kredibilitetin e RTK-së dhe ka rrezikuar mbështetjen ndërkombëtare për lirinë e medias në Kosovë.
“Mirëpo, e gjithë kjo është pasojë e një epilogu logjik. Komoditeti i kësaj papërgjegjshmërie poshtë është ndërtuar me fajin tonë lartë. Pothuajse të gjitha energjitë e Bordit këtë vit kanë qenë rreth rrugëtimit ose jo tutje me ish-Drejtorin e Përgjithshëm. Sa e sa argumentime kam bërë që të mos i hyjmë asaj rruge pa krye sepse do të na qojë në kriza, do të kritikohemi, etiketohemi si shërbyes të pushtetit, do ta humbim mbështetjen nga partnerë ndërkombëtarë, i bëjmë dëm RTK-së dhe vendit. Si refren e përsërisja një frazë që “më shumë bëjmë dëm sesa dobi” dhe se “do të na përfundojë mandati duke i sanuar dëmet”. Në këtë të fundit dola i pasaktë. Na përfundoi mandati (disave) as pa i sanuar dëmet. Veprimet tona tani do të jenë, për fat të keq, në thelb të të gjitha raportimeve negative ndërkombëtare për lirinë e medias në Kosovë”
Kabashaj falënderon deputetët që i dhanë mandatin dhe shpreh keqardhjen që nuk arriti të realizojë objektivat e tij për një RTK të qëndrueshme dhe të pavarur. Ai shpreh gjithashtu mirënjohjen për kolegët e tij në RTK dhe shpreson që një përbërje e re e Bordit do të jetë në gjendje të përmbushë këtë mision fisnik.
Dorëheqja e Kabashajt vjen në një kohë kur RTK përballet me sfida të mëdha për sa i përket menaxhimit, pavarësisë editoriale dhe kredibilitetit, duke e lënë transmetuesin publik të Kosovës në një udhëkryq të rëndësishëm për të ardhmen e tij./Telegrafi/
Promo
Reklamo këtuLufta Prigozhin - Putin
Më shumëPolicia italiane në Shqipëri, të martën marrin në dorëzim Gjadrin dhe Shëngjinin
Afrim Gashi konfirmoi se dje ka udhëtuar në Kosovë
Vështirësitë e fermerëve të vegjël në Shqipëri: Na mbajnë turistët nga Kosova e Maqedonia, të huajt blejnë me kokrra
Serwer: Çështja tashmë është se cila është më e rëndësishme për Kosovën - hapja e Urës së Ibrit apo marrëdhënia me aleatët
Çka parasheh strategjia për drejtësinë tranzicionale në Kosovë?
Vdes gruaja që u godit nga rrufeja në Prevallë
![Investoni në të ardhmen tuaj – bli banesë në ‘Arbëri’ tani! ID-140](https://telegrafi.com/wp-content/uploads/2024/02/Screenshot-2024-02-20-142648-380x233.png)
Investoni në të ardhmen tuaj – bli banesë në ‘Arbëri’ tani! ID-140
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123](https://telegrafi.com/wp-content/uploads/2023/07/foto-kryesore-per-tlgre-380x233.jpg)
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Lojtarët e Barcelonës refuzojnë të prekin fanellën me numër 10
Prokuroria me detaje të reja për ngjarjen e rëndë në Ferizaj: Vrasja u bë për motive të ulëta
Procesi gjyqësor ndaj ish-krerëve të UÇK-së rinis javën tjetër, avokatët paralajmërojnë vendime të rëndësishme
Zbulohen kërkesat e Florentino Perezit për Carlo Ancelottin këtë sezon te Real Madridi
Ronaldo fyen bashkëlojtarët te Al Nassr, ndërsa tifozët e Al Hilal e thirrën emrin e Messit
Putin nuk po mund ta fshehë stresin që nga futja e trupave ukrainase në Rusi, gjatë takimit me zyrtarët e Kremlinit u pa duke fërkuar duart pa kontroll