Situata me zjarre në Komunën e Malishevës vlerësohet si e qetë

Komiteti për Komunitete në Komunën e Malishevës sot ka mabjtur mbledhjen e tetë të rregullt, mbledhje kjo që u drejtua nga kryetari i këtij Komiteti, Amrush Helshani.

Temë kyçe cila u diskutua gjatë kësaj mbledhjeje ishte gjendja me zjarret në Komunën e Malishevës dhe menaxhimi i situatave emergjente që kanë ndodhur kohët e fundit.

Përveç anëtarëve i pranishëm në këtë mbledhje ishte edhe zyrtari përgjegjës i Drejtorisë për Mbrojtje dhe Shpëtim, Gani Kryeziu, raportoi për situatën aktuale me zjarret.

Sipas Kryeziut përkundër sfidave të shumta, përfshirë mungesën e mjeteve dhe resurseve njerëzore, ekipet kanë arritur të kontrollojnë situatën pa rrezikuar qytetarët dhe të shuajnë zjarret e regjistruara deri më tani.

Pas raportimit të Krzyeziut, Helshani së bashku me anëtarët e tjetë të këtij komineti u bënë thirrje qytetarëve që të kenë kujdes të shtuar, dhe të mos ndezin zjarre të qëllimshme, duke theksuar rëndësinë e bashkëpunimit për të mbrojtur jetën dhe pronën e të gjithëve./Telegrafi/