SHBA-të vazhdojnë dominimin, “Dream Team” mposht Francën dhe fiton medaljen e artë

Shtetet e Bashkuara të Amerikës kanë fituar medaljen e artë duke mposhtur në finale Francën me rezultat 98:87.

Çereku i parë i takoi SHBA-ve të cilët arritën ta mbyllin me një epërsi prej pesë pikësh (20-15).

I dyti ishte më i barabartë, por sërish ishin amerikanët ata që e mbyllën me epërsi duke fituar me rezultat 29-26.

Pjesa e parë e këtij takimi u mbyll me rezultat 49:41 në favor të SHBA-ve.

Francezët filluan të këndellen në çerekun e tretë të udhëhequr nga Victor Wembanyama dhe Guerschon Yabusele dhe e fituan atë me rezultat të ngushtë 25:35.

TEAM USA WINS GOLD 🇺🇸🥇🇺🇸🥇🇺🇸🥇🇺🇸🥇🇺🇸🥇🇺🇸🥇🇺🇸🥇🇺🇸🥇🇺🇸 pic.twitter.com/04XLWPREcS

— Overtime (@overtime) August 10, 2024

Edhe çereku i katërt ishte i barabartë, megjithëse SHBA-të u treguan më të saktë dhe më të mirë në mbrojtje duke arritur fitoren në fund me rezultat 98:87.

Kështu ata morën medaljen e artë, ndërsa francezët të cilët u paraqitën përballë publikut vendas ‘grabitën’ medaljen e argjendtë.

Koshashënuesi më i mirë në këtë finale ishte Victor Wembanyama i cili realizoi plotë 26  pikë, i ndihmuar nga Guerschon Yabusele që pati 20 sosh.

Tek SHBA-të më i miri ishte Stephen Curry me 24 pikë të shënuara, i ndihmuar nga Devin Booker që pati 15 sosh si dhe Kevin Durant dhe Lebron James që po ashtu patën pikë dyshifrore./Telegrafi/

GREATNESS GETS GOLD 🥇#ParisOlympics pic.twitter.com/NAFVzmHZFg

— Team USA (@TeamUSA) August 10, 2024