Shtyhet gara e triatlonit në Lojërat Olimpike, arsyeja është shumë e çuditshme

Gara e sotme (e martë) e triatlonit në Lojërat Olimpike të Parisit është shtyrë për shkak të ndotjes së lumit Seine.

Edhe pse kryebashkiaku i Parisit, Anne Hidalgo, bëri ‘plazh’ në Seine para fillimit të Lojërave Olimpike për të treguar se lumi është i pastër, shiu i madh i fundit ka ndikuar në nivelin e cilësisë së ujit në këtë lum.

Seine është aq i pistë sa seancat stërvitore të së dielës dhe të hënës, si dhe gara e sotme për meshkuj, u anuluan.

Organizatorët njoftuan se garuesit do të rrezikonin shëndetin e tyre nëse do të notonin në Seine dhe vendosën që më së miri do të ishte që gara të shtyhej për nesër.

Olympic organizers have postponed the men’s triathlon race originally scheduled for Tuesday morning, conceding that the Seine River remains unsafe for swimming.

It’s now scheduled to take place after end of the women’s triathlon on Wednesday. https://t.co/NDCWWkKF9t

— NBC News (@NBCNews) July 30, 2024

Nesër, sipas orarit, femrat duhet të garojnë në orën 08:00, pas së cilës meshkujt do të paraqiten në orën 10:45.

Megjithatë, edhe kjo është e diskutueshme sepse ka pak mundësi që Seine të mos jetë e ndotur nesër, dhe ka mundësi edhe për stuhi, që do të thotë se gara nuk do të jetë e mundur as nesër. /Telegrafi/