Zbulohen disa nga specifikat e Nothing Phone 2a Plus – përpara lansimit të 31 korrikut në Indi

“Nothing” ka njoftuar tashmë se smartfoni i tij i fundit i rangut të mesëm, Nothing Phone 2a Plus, do të lansohet në Indi më 31 korrik.

Përpara lansimit, kompania me bazë në Londër kishte ndarë disa detaje kyçe rreth smartfonit të ri, duke përfshirë detajet e procesorit dhe RAM-it, por një rrjedhje e re ka lënë të kuptohet për specifikimet e plota të pajisjes.

Sipas një raporti të ri nga Smartprix, Nothing Phone 2a Plus ka të ngjarë të ketë të njëjtin konfigurim të ekranit si Nothing Phone 2a, shkruajnë mediat e huaja, përcjell Telegrafi.

Kjo do të thotë se mund të ketë një panel AMOLED 6.7 inç me një ritëm rifreskimi 120 Hz, 1300 nits ndriçim maksimal dhe mbrojtje Gorilla Glass 5.

Konfigurimi i kamerës së pasme gjithashtu ka të ngjarë të mbetet i njëjtë, me një sensor primar 50 MP me OIS dhe një lente me kënd ultra të gjerë 50 MP.

Në pjesën e përparme, megjithatë, ka të ngjarë të shohim një përmirësim masiv, me shkrepjen e selfie-ve që thuhet se rritet nga 32 MP në Phone 2a në 50 MP në variantin Plus.

Mund të ketë gjithashtu mbështetje për regjistrim video deri në 4K nga sensori i kamerës. /Telegrafi/