Gjërat që ju shqetësojnë janë në shumicën e kohës thjesht në mendimet tuaja
Një studim nga universiteti “Cornell” zbuloi se 85% e gjërave për të cilat njerëzit shqetësohen nuk ndodhin kurrë. Dhe më tej, për atë 15% të rasteve ku shqetësimet “realizohen”, 79% e njerëzve i trajtojnë më mirë se sa mendonin dhe mësojnë diçka të vlefshme nga përvoja.
Pra, në total, 97% e shqetësimeve janë të pabaza ose të menaxhueshme.
Pse shqetësohemi kaq shumë?
Është në natyrën tonë të shqetësohemi. Ne shqetësohemi për paratë, karrierën, marrëdhënien, shëndetin dhe gjithçka tjetër që na duket e rëndësishme.
Shqetësohemi pse nuk kemi mjaftueshëm veshje në dollap, pse kolegu e ka kapur atë bonusin dhe ne jo, madje shqetësohemi në disa raste edhe pse qielli është blu…Por tani kemi provat e nevojshme se shqetësimet tona janë shumicën e kohës të pabaza.
Tani ndoshta po filloni të shqetësoheni se pse shqetësoheni kaq shumë…
Epo nuk jeni të vetmit…A ju bën kjo të shqetësoheni më pak? Ndoshta jo.
Në fakt, ndoshta tani po shqetësoheni përse vazhdoni të shqetësoheni, duke ditur që është thjesht një humbje kohe dhe energjie. Kjo është arsyeja pse duhet ta përdorni këtë informacion për të bindur veten se shqetësimet janë investimi më i keq.
Përpiquni të gjeni diçka tjetër për të menduar ose përfshihuni diçka që ju jep një kthim më të mirë.
Si të menaxhoni shqetësimet
Herën tjetër që ndiheni të shqetësuar, kujtoni se 97% e gjërave që shqetësoheni nuk do të ndodhin ose në rastin tjetër, do të jenë mëse të menaxhueshme. Në vend që të humbisni kohë me shqetësime, përqendrohuni në aktivitete që ju sjellin kënaqësi dhe produktivitet.
Kjo mund të jetë mënyra më e mirë për të shpenzuar kohën, përpjekjet dhe energjinë tuaj.
Kështu që, herën tjetër që shqetësoheni për një situatë të mundshme, mbani mend: Shanset janë që ajo të mos ndodhë kurrë.
Po nëse ndodh e kundërta? Dhe edhe nëse ndodh, do të jeni në gjendje ta menaxhoni shumë më mirë sesa mendoni. Siç edhe përmendëm: vetëm 3% e shqetësimeve tuaja kanë një bazë të vërtetë.
Pra, ndaloni mendimet negative pasi janë thjesht një humbje e madhe kohe dhe filloni të jetoni më të qetë! /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë