Kështu mund të hapni siç duhet shishet plastike me kapak pandashëm, tani mund të pini pa problem

Shumë njerëz nervozohen për shkak të shisheve me kapakë plastikë që nuk shkëputen, sepse nuk mund të pinë pa ndërprerë ujin ose lëngun e tyre të preferuar

Ata i quajnë “shpikja më e keqe e shekullit të 21-të” dhe, për shkak të rregullave të reja të BE-së, nga korriku i këtij viti do të jenë të detyrueshme në të gjitha vendet e këtij blloku politik.

Njerëzit ankohen se kapakët që janë ngjitur në shishe u pengojnë kur përpiqen të pinë nga shishja dhe e bëjnë të vështirë për ta derdhjen e pijeve në gota.

Megjithatë, rezulton se ne mund të gabojmë gjatë gjithë kohës.

Kapaku kthehet në anën tjetër

Videoja e tiktokerit u bë virale, pasi tregoi se si hapen në të vërtetë shishet me kapakë që nuk hiqen.

Është një nënvlerësim të thuhet se njerëzit u mahnitën.

Ai tregoi se pasi hapi shishen, thjesht e zhvendos kapakun në anën tjetër dhe në këtë mënyrë nuk i pengon më gjatë pirjes, transmeton Telegrafi.

original sound – Dude Dad

Pse tapat janë ngjitur në shishe?

Të gjitha vendet e Bashkimit Evropian deri në korrik të këtij viti duhet të heqin kapakët e ndashëm në shishet plastike deri në tre litra dhe t’i zëvendësojnë ato me ato që nuk shkëputen.

Është pjesë e një direktive të BE-së të publikuar në vitin 2018, e cila synon të reduktojë sasinë e mbetjeve plastike.

Gjegjësisht, deri më tani tapat e shisheve plastike ndaheshin dhe shpesh përfundonin në vende të papërshtatshme të mjedisit, pa u ricikluar.

Hulumtimet vlerësojnë se më shumë se 850 milion ton gazra serë u lëshuan në atmosferë nga prodhimi dhe djegia e plastikës në vitin 2019. /Telegrafi/