Lewis Hamilton fiton garën më interesante deri tani në Formula 1 – triumfi i fundit i britanikut ishte para 945 ditësh

Gara e Formula 1 për Çmimin e Madh të Britanisë në pistën Silverstone na dha një spektakël të vërtetë sot dhe në garën më të mirë të sezonit fitoi piloti britanik Lewis Hamilton.

Hamilton arriti kështu fitoren e tij të parë në kampionatin e Formula 1 që nga 5 dhjetori 2021, kur festoi në Arabinë Saudite dhe ky ishte sezoni i famshëm në të cilin Max Verstappen i dha fund dominimit të tij shumëvjeçar.

Në fillimin e garës së sotme, Geoerge Russell mbajti pozitën e parë, Hamilton mbeti i dyti, dhe Verstappen arriti të kalojë përpara Lando Norris në pozitën e tretë dhe ky ishte ndryshimi më domethënës në xhiron e parë.

Megjithatë, Verstappen nuk mundi të gjente ritmin e duhur dhe Norris e kaloi atë në xhiron e 15-të dhe menjëherë pas kësaj të dy drejtuesit e Mercedes gabuan në kthesën e parë dhe më pas Norris mori vendin e parë.

LAP 15/52

And the crowd erupts as Norris powers past Verstappen! 💪 #F1 #BritishGP pic.twitter.com/VeP7IOpV5e

— Formula 1 (@F1) July 7, 2024

Në atë moment filloi të bjerë shi dhe McLaren u soll shumë më mirë në kushte të tilla, ndërsa Oscar Piastri doli në krye të renditjes.

Mirëpo, Piastri ishte i fundit që ndërroi gomat kur filloi të binte shi dhe me atë rast humbi shumë pozita dhe zbriti në vendin e 6-të.

Norris mbajti vendin e parë edhe në kushte shiu, Hamilton ishte i dyti dhe Verstappen i treti në xhirot në vijim, por në xhiron e 34-të Russell duhej të dorëzohej për shkak të problemeve me makinën.

LAP 34/52
📻 “Retire the car”

George Russell is out of his home race with a suspected water system issue 💔#F1 #BritishGP pic.twitter.com/QpEUnLr1Di

— Formula 1 (@F1) July 7, 2024

Shiu u ndal disa xhiro më vonë dhe pothuajse të gjithë shoferët kaluan në goma të thata në xhiron e 39-të. Norris ishte i vetmi nga kreu i renditjes që nuk e bëri këtë, një xhiro më vonë ai shkon të ndryshojë gomat dhe bën një gabim që bën që Hamilton të zërë vendin e parë.

The moment of victory! 🏆

Incredible scenes at Silverstone 🇬🇧#F1 #BritishGP @LewisHamilton pic.twitter.com/Qn0peOI1Z0

— Formula 1 (@F1) July 7, 2024

Hamilton mbajti vendin e parë deri në fund dhe festoi fitoren pas 945 ditësh. Verstappen përfundoi i dyti me vetëm një sekondë e gjysmë prapa, pasi holandezi e kaloi Norrisin katër xhiro para fundit.

Britaniku me makinën McLaren, Russel përfundoi i treti, dhe në dhjetëshen e parë ishin Piastri, Sainz, Hulkenberg, Stroll, Alonso, Albon dhe Tsunoda.

RACE CLASSIFICATION (LAP 52/52)

Lewis Hamilton takes his 104th F1 win 🤯#F1 #BritishGP pic.twitter.com/7x2aokGM4t

— Formula 1 (@F1) July 7, 2024

Verstappen mbetet lider në renditjen e përgjithshme të pilotëve me 255 pikë, Norris është i dyti me 171 pikë, Leclerc është i treti me 150 dhe Hamilton mbetet i teti pasi ka vetëm 110 pikë. /Telegrafi/