Deklarata e avokatit Tomë Gashi, përplas pozitën e opozitën në Shtime
Mbledhja e Kuvendit Komunal në Shtime të enjten ka vazhduar me akuza e kritika ndërmjet pozitës e opozitës lidhur me një deklaratë të avokatit Tomë Gashit i cili ditë më parë në një televizion pati thënë se një polic serb ishte dhëndër i Reçakut.
Ditë më parë edhe banorët e Reçakut patën reaguar rreth deklaratës së avokatit Gashi, ani pse ndërkohë ai pati kërkuar falje lidhur më atë deklaratë dhe kishte sqaruar se ka qenë një keqkuptim.
Kuvendarët patën kërkuar mbledhje të jashtëzakonshme për të debatuar rreth kësaj pike, por meqë ishte mbledhja e rregullt e kuvendit e caktuar për këtë ditë, kjo temë është futur në një pikë të veçantë të rendit të ditës.
Rrahman Jakupi, kuvendar nga radhët e PDK-së, njëherësh kryetar i kësaj partie në Shtime, ka thënë se si subjekt politik e kanë ftuar një mbledhje të jashtëzakonshme sipas ligjit në fuqi për të diskutuar për deklaratën e Avokatit Tomë Gashit, pasi që sipas tij të gjithë qytetarët e Shtimes e veçanërisht ata të Reçakut janë prekur me rastin.
“Po të ishte PDK-ja në pushtet sot do të organizoheshin protesta në Kuvend, do të gjuani gurë e do të bëhej çmos e, ndoshta edhe gaz lotsjellës këtu në sallë të Kuvendit për këtë çështje”, ka thënë midis të tjerash Jakupi, i cili para kuvendarëve kërkoi të votohet një deklaratë e përbashkët nga të gjitha subjektet politike për ta kundërshtuar fjalimin e avokatit Tomë Gashi.
Reshat Mujota kuvendar i Pavarur ka thënë se duhet të përgatitet një deklaratë e përbashkët me arsyetimin se Reçakun nuk mund ta njollos askush pasi qe ka dhënë shumë martir dhe shumë dëshmor për këtë vend.
”Ky kuvend mos të mbanë vetëm diskutime por të nxjerr edhe deklaratë që komuna e Shtimes të distancohet nga deklaratat e tilla të Avokatit Tonë Gashit . Ne duhet të dalim me një deklaratë që Komuna e Shtimes e gjykon dhe nuk e pranon vetëm kërkim faljen. Pra distancomi i kuvendit komunal të mbetet me një deklaratë apo konkluzion të veçantë”, ka thënë Mujota.
Perparim Ramusa nga PDK-ja ka thënë se nuk mjafton vetëm si subjekte politike të distancohen nga deklaratat e avokatit Tomë Gashit.
”Asgjë politike nuk jemi duke bërë këtu. Jemi duke e demantuar një të pavërtetë që e ka thënë Gashi, në lidhje me fshatin Reçak. Ne jemi institucion dhe kisha kërkuar ta përpilojmë një deklaratë të gjitha subjektet politike së bashku dhe ta demantojmë deklaratën e Avokatit si shpifëse dhe të pavërtetë””,ka thënë Ramusa.
Besnik Seferi nga Lëvizja Vetëvendosje ka sqaruar se avokati Gashi ka kërkuar falje lidhur me deklaratën e tij, andaj sipas tij ajo deklaratë është dashur të lexohet edhe nga anëtarët e tjerë të Kuvendit.
”Mos ta përdorim në aspektin politik. Ne duke e parë të arsyeshme këtë pik edhe ne si grup i LVV –së distancohemi nga kjo deklaratë e Gashit. Nëse hyjmë në lidhje me këtë çështje mund t’ia huçim sepse nuk është diçka në duart tona si Kuvend për ta akuzuar avokatin Tomë Gashi për veprimet e tij, por megjithatë në jemi për tu distancuar plotësisht për diskutimin e tij që e ka bërë për fshatin Recak”, ka thënë Seferi.
Në anën tjetër kryetari i Komunës së Shtimes, Qemajl Aliu ka thënë se shqetësimet e banorëve të Reçakut janë bërë shqetësime edhe për secilin prej qytetarëve të Komunës. Sipas tij, çdo dëm që cenon të vërtetën e masakrës së Reçakut është tundim i plagëve të qytetarëve të Reçakut por edhe secilit prej nesh.
”Në situata të tilla nuk do të duhet të veprojmë me eufori, por me maturi. Nuk është hera e parë që një fjalë publike e ka lënduar këtë ngjarje, kështu që unë kam marrë masa dhe kam rënë në kontakt me avokatin Tomë Gashin përmes telefonit dhe e kam pyetur për deklaratën publike të tij dhe cila është e vërteta e asaj. Gashi më ka thënë se më vjen keq por unë jap intervista të shpeshta dhe skam kohë tí dëgjoi ato, por nëse ke dicka material ma dërgo, ia kam dërguar dhe e ka dëgjuar vetveten dhe më tha më falni se kjo ka qenë një rrëshqitje në debat e sipër”, ka thënë Aliu.
Në fund të gjithë debatit, meqë ekzekutivi nuk e shqyrtoi kërkesën e opozitës për ta nxjerrë dhe për ta votuar një deklaratë të përbashkët lidhur me këtë çështje, opozita e liruan sallën.
Ditë më parë avokati Gashi në një postim në Facebook ka sqaruar se në debatin televiziv i është referuar asaj që ka thënë i akuzuari Zoran Stajoneviq.
“Në debat televiziv unë kam thënë atë që krimineli Zoran Stajoneviq e ka deklaruar gjatë gjykimit se atë e tirrnin dhëndër. Gruaja e tij është shqiptare, por nuk është nga Reçaku. Gjithmonë duke i’u referuar deklaratave të tij gjatë procesit gjyqësor. Ajo çfarë kam thënë në atë intervistë ishte citim i tij e jo pohim i imi, prandaj unë shprehi keqardhje dhe kërkoj ndjesë për keqkuptimin e krijuar të gjithë atyre qe u janë lënduar ndjenjat për mos referimin adekuat në debatin në televizionin Dukagjini”, ka shkruar Gashi./Telegrafi/
Lexo edhe : https://telegrafi.com/deklarata-se-nje-polic-serb-ishte-dhender-recakut-nxit-reagime-iniciohet-mbledhje-e-jashtezakonshme-e-kuvendit-komunal-ne-shtime/
Lufta Prigozhin - Putin
Më shumëTraore dhe Walker u përfshinë në një duel shpejtësie dhe aty kishte një fitues të qartë
"Paraqitja e parë publike": Vëllai i Michael Schumacher jep përditësimin shëndetësor të legjendës së F1
Franca ndalon dërgimin e armëve në Izrael, Macron: "Libani nuk mund të bëhet Gaza e re"
Lojtari që dikur shkëlqeu me fanellën e Real Madridit ka vendosur ta vazhdojë karrierën në Malajzi
Barcelona e shqetësuar me atë çfarë po i ndodh Vitor Roques te Betisi
Plagosje me armë zjarri në Mitrovicë
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Cili vend i BE-së ka më shumë njerëz që mësojnë shumë gjuhë?
Rrëfimi i dy paraguajanëve që mahniten me sakrificën e familjes Jashari kur vizitojnë Prekazin
Ronaldo u cilësua 'i paturpshëm' nga fansat për atë që postoi në YouTube momente pasi Messi fitoi trofeun me Inter Miamin
Detaje se si Michael Schumacher komunikon me familjarët pas 'paraqitjes së parë publike' në 11 vjet
Pamje rrëqethëse, filmohet momenti kur rrufeja godet shëtitoren në Tivar
Gjatë një sulmi ajror, ushtria izraelite godet depon ruse në bazën ushtarake në Siri