Arkivimi, mbledhja dhe qasja në arkiva ka qenë tema që Sezin Romi, bibliotekiste dhe arkiviste e lartë në institucionin kulturor Salt të Stambollit ka shqyrtuar me përfaqësuesit e bibliotekave dhe arkivave nga Kosova, gjatë një ligjërate të mbajtur në hapësirat e Bibliotekës komunale të Prizrenit.
Para pjesëmarrësve ajo ka shpalosur përvojën e saj në procesin e arkivimit në Salt dhe për mënyrat se si mund të ndërtohen qasje më të mira të përdorimit të arkivave nga institucionet, sikurse edhe rolin e tyre në ndërtimin e historisë dhe të prodhimit të dijes apo njohurive, raporton Telegrafi.
Në mënyrë të natyrshme ligjërata e saj është ndërlidhur edhe me projektin e Arkivit Publik të Lumbardhit që bazohet në ndërtimin e një arkivi me përqendrim në historinë moderne të Prizrenit.
Me këtë rast ka bërë të ditur se njohja me hapësirën dhe praktikat e përpjekjet e Lumbardhit ka nisur prej vitit 2016 dhe se prej atëherë janë realizuar disa bashkëpunime, punëtori dhe ligjërata lidhur me procesin e arkivimit në të gjitha hapat e saj.
Ndërkaq, duke sjellë në vëmendje edhe synimin e Lumbardhit për të mbledhur arkiva familjare për të përpiluar historinë moderne të Prizrenit dhe për të lehtësuar qasshmërinë në to, Romi sqaroi konceptin Pad.ma (Public Access Digital Media Archive) duke thënë se “nuk duhet pritur për arkivat meqë procesi i arkivimit duhet të jetë i gjallë dhe i vijueshëm, e jo të pritet që koha të vërshojë që më pas t’i rikthehemi atyre”.
Ligjërata, sipas njoftimit të Lumbardhit, është zhvilluar në hapësirat e Bibliotekës komunale në Prizren, në praninë e zyrtarëve të kësaj biblioteke pastaj Arkivit Rajonal të Prizrenit, Bibliotekës Kombëtare të Prishtinës dhe përfaqësuesve nga bibliotekat tjera, duke vënë në pah rolin e rëndësishëm të punës me arkivin si një formë bashkëpunimi që ndihmon përpjekjet për të informuar kujtesën kolektive si dhe praktikat e ndryshme tradicionale, digjitale dhe eksperimentale me arkivin, raporton Telegrafi.
Aktualisht Sezin Romi është udhëheqëse e lartë e Bibliotekës dhe Arkivit në institucionin Salt në Stamboll të Turqisë. Fusha kërkimore e Romit përfshin zhvillimin e koleksioneve të librave, kërkimeve dhe projekteve arkivore mbi historinë e artit në Turqi pas viteve 1950. Ajo gjithashtu është bashkë-redaktore e botimeve të ndryshme. Ndërsa Salt është një institucion kulturor jofitimprurës në shërbimin publik që angazhohet në kërkime, ekspozita, botime, projekte online, konferenca dhe programe të tjera publike në Turqi. /Telegrafi/
Promo
Reklamo këtuLufta Prigozhin - Putin
Më shumëSuper lojtari garanton Real Madridin se do t'u bashkohet në vitin 2025
Veprim i turpshëm i Real Madridit ndaj Toni Kroosit me t’i përfunduar kontrata
Paralajmëron Serwer: Rikthimi i Donald Trump dhe bashkëpunimi i tij me serbofilin Richard Grenell çojnë Ballkanin në luftë
Barcelona e gatshme t'i ndajë rrugët me lojtarin që e transferoi verën e kaluar - Flick ka tjera plane
“E turpshme”, ish-legjenda gjermane tallet me lotët e Ronaldos pas humbjes së penalltisë
Thaqi për veteranët: Luftëtarët e vërtetë nuk shkojnë nga Serbia
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Veprim i turpshëm i Real Madridit ndaj Toni Kroosit me t’i përfunduar kontrata
Notat e lojtarëve: Portugalia 0-0 Sllovenia
Kush janë Haredim-ët në Izrael dhe pse ata nuk duan të marrin pjesë në ushtri?
Zbulohet se kush është personi i maskuar që u largua nga çatia e Sigal Iduna Park nga forcat speciale
Policia arreston Korab Gashin, i dyshuar për grabitjen në Suharekë
Khabib raportohet se po falimenton - McGregor eskalon në fyerje ndaj dagestanezit