Prona në kontest gjyqësor e lë rrugën “Kadri Bistrica” në Mitrovicë në gjendje të mjerueshme – qytetarët ankohen vazhdimisht
Qytetarët e Mitrovicës prej kohësh ballafaqohen me probleme infastrukturore.
Rruga “Kadri Bistrica”, prej më shumë se pesë vitesh ndodhet në gjendje aspak të mirë, madje gjysma e saj tani më është e shembur. Kjo rrezikon të gjithë qytetarët, por veçanërisht fëmijët.
Një qytetar për Telegrafin ka thënë se gjatë kësaj periudhe kohore e kanë adresuar problemin tek Komuna e Mitrovicës, por nuk ju kanë ndihmuar asgjë deri më tani.
“Për fëmijët është një gjendje e jashtëzakonshme sepse dalin të luajnë dhe mund të biejnë poshtë rrugës”, ka thënë qytetari.
Pjesa e shembur e rrugës tashmë po shfrytëzohet edhe si “depo” për hudhjen e mbeturinave, e cila stinës së verës paraqet problem sepse kundërmojnë erëra të rënda.
“Këtu kundërmojnë lloj-lloj erërash, ngordhje të kafshëve, hedhje të mbeturinave, këtu hudhet gjithçka”, është shprehur ai.
Ai ka shtuar se nga hedhja e mbeturinave janë shtypur gypat e kanalizimit dhe se tani janë shfaqur probleme edhe me kanalizim.
Një qytetare tjetër e cola po ashtu nuk ka dashur t’i publikohet emri, për Telegrafin ka thënë se problemi me kanalizim ekziston prej një viti.
Ajo ka theksuar se nga kundërmimi i erës së rëndë të kanalizimit, duhet ta pastrojnë rrugën disa herë.
Ndërsa pjesa e rrugës sipas saj, rrezikon të gjithë banorët e kësaj zone.
Drejtori i Drejtorisë për Siguri dhe Emergjenca në Mitrovicë, Bahtir Maxhuni, në një prononcim për Telegrafin ka thënë se një person e ka blerë pronën rreth kësaj rruge nga Agjencia Kosovare e Privatizimit (AKP) dhe ka filluar punën. Por, më pas është ankuar një pronar duke thënë se prona është e tij por që i’a ka marrë okupimi serb.
E sipas Maxhunit, këtu ka stagnuar procesi.
“Kanë shkuar nëpër gjykata dhe shkallën e parë e ka fituar pronari – blerësi. Ne kemi kontaktuar me të sepse ai ka thënë se nëse e fitoj shkallën e parë e vendosi murin mbrojtës. Kur ai e ka “ngacmuar” këtë pjesë qytetarët janë ankuar që po shembet”, ka thënë Maxhuni.
Ai ka theksuar se si Komunë kanë dashur t’a bëjnë murin mbrojtës por qytetarët kishin thënë ta mos e prekin sepse pacela ishte në kontest gjyqësor.
Drejtori për Siguri dhe Emegjenca është shprehur se vazhdimisht kanë “presion” nga qytetarët por që nuk kanë ditur se çfarë të bëjnë.
Tutje ai ka treguar se nga bisedat me qytetarët kishte kuptuar që një pjesë e madhe e murit matanë rrugës është në pronë të Komunës.
“Kemi dalë për të parë sesi qëndron kjo pjesë dhe është e vërtetë se një pjesë e madhe e murit është pronë e Komunës”, ka shtuar Maxhuni.
“Por kur është në kontekt gjyqësor dhe kur ish-pronari ka bërë ankesë duke aluduar se është pronë e tij dhe tani është në shkallën e dytë është prolonguar procesi që ai ose Komuna ta vendosin një mur. Kur ka kontekste gjyqësore ne nuk guxojmë ta prekim sepse është ende e paqartësuar se cila pronë kujt i takon”, ka theksuar ai.
Ai ka potencuar se po planifikon që së bashku me qytetarët ta bëjnë një peticion në Komunë dhe të kërkojnë që të bëhet një matje zyrtare e të qartësohet kjo pjesë që më pas Komuna t’i vazhdojë këto punime.
Maxhuni ka përfunduar duke thënë se rruga “Kadri Bistrica” është e qarkullueshme veçse sipas tij, çdo ditë rreziku bëhet më i madh për banorët që e frekuentojnë këtë pjesë. /Telegrafi/
Promo
Reklamo këtuLufta Prigozhin - Putin
Më shumëZbulohet se kush është personi i maskuar që u largua nga çatia e Sigal Iduna Park nga forcat speciale
Konjufca: Kemi informacione të sakta se në Serbi po bëhen ushtrime për sulm të ri
Kreu i mercenarëve serbë në Rusi, thotë se bashkëkombësit e tij që u dërguan në luftë në Ukrainë po ndihen të mashtruar
"Xhaka bënte çfarë donte në mesfushë" - Capello me fjalë të mëdha për yllin kosovar
Trajneri i Danimarkës shpërthen në konferencë për shtyp, nxjerr telefonin dhe tregon se çfarë i bëri VAR-i
Si të hiqni gërvishtjet nga makina juaj pa shkuar te mekaniku?
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Veprim i turpshëm i Real Madridit ndaj Toni Kroosit me t’i përfunduar kontrata
Notat e lojtarëve: Portugalia 0-0 Sllovenia
Kush janë Haredim-ët në Izrael dhe pse ata nuk duan të marrin pjesë në ushtri?
Zbulohet se kush është personi i maskuar që u largua nga çatia e Sigal Iduna Park nga forcat speciale
Policia arreston Korab Gashin, i dyshuar për grabitjen në Suharekë
Khabib raportohet se po falimenton - McGregor eskalon në fyerje ndaj dagestanezit