Çfarë thonë dokumentet e gjykatës amerikane për investimet e Spajiqit në Teraform Labs

Dokumentet e gjykatës amerikane tregojnë se Millojko Spajiq, si person fizik, ishte i 16-ti në listën e investitorëve në Teraform Labs, në fazën kur ajo kompani po mblidhte kapital për zhvillimin dhe kërkimin e një projekti kriptovalute, i cili ra pas 4 vitesh.

Deri më tani, Spajiq pretendonte se kompania ku ai punonte  ishte mashtruar për 75 mijë euro dhe jo ai personalisht.

Spajiq nuk u është përgjigjur pyetjeve të “Vijesti” në lidhje me tokenin Luna dhe as nëse ka paditur Teraformin dhe Do Kwon sepse është mashtruar, transmeton Telegrafi.

Kripto sipërmarrësi dhe njëherit kryeministri i Malit të Zi, ishte një nga të parët që investoi si person fizik në kompaninë e shtetasit koreano-jugor Do Kwon, Teraform Labs (Teraform) në prill 2018, duke nënshkruar një kontratë disa ditë përpara se të themelohej me atë emër në Singapor, sipas dokumenteve të Agjencisë së Vlerave të Shkëmbimit të SHBA-së (SEC), por edhe deklaratat e kryeministrit aktual dhe të dhëna për ngritjen dhe rënien e asaj kompanie dhe themeluesit të saj nga mediat përkatëse, të specializuara në tregun e kriptovalutave.

Pesë vjet më vonë, doli se Teraform ishte kompania pas skemës piramidale, në të cilën mbi 40 miliardë dollarë humbën si nga investitorët fillestarë ashtu edhe nga shumë njerëz që blenë produktet e saj në shkëmbimet e kriptove, dhe i mbajtën paratë e tyre në kompaninë e kriptove të Do Kwon, likuidimi i së cilës u njoftua pak ditë më parë.

Deri më tani, Spajiq nuk ka pohuar kurrë në mënyrë eksplicite se Do Kwon, i cili aktualisht ndodhet në Mal të Zi duke pritur që gjykatat malazeze të vendosin nëse do ta ekstradojnë atë në Shtetet e Bashkuara të Amerikës apo Korenë e Jugut për gjykim për krime të rënda, është mashtruar personalisht për 75,000 dollarë amerikanë, por vetëm kompania e cila ishte ose e tij ose ku punonte, në varësi të deklaratës. /Telegrafi/