Djali i dëshmorit Avdullah Tahiri, kujton me krenari e sakfrificë “Ditën e Çlirimit në Gjilan”
Nesër shënohet 25 vjetori i çlirimit të qytetit të Gjilanit, ku kjo ditë i dedikohet kujtimit dhe nderimit të atyre që dhanë jetën e tyre në luftë dhe përpjekje për liri.
Kujtimet e freskëta i ka edhe Iliri, djali i dëshmorit Avdullah Tahiri, i cili ditën e çlirimit e kujton si ditën më të bardhë, ani pse sipas tij çdo kund shiheshin gërmadhat nga shtëpitë e djegura dhe të shkatërruara.
Mes buzëqeshjes për çlirim dhe dhimbjes, Tahiri thotë se kishte familje që nuk e dinin se ku gjendeshin anëtarët e tyre.
“Kjo ditë më kujton fundin e një pushtimi shekullor nga Serbia, hyrjen e UÇK-së dhe forcave te NATO-së. Festën nëpër fshatra e qytet nga banorët e pakët që kishin mbetur pa u dëbuar. Ani pse çdo kund shihnim gërmadha nga shtëpitë e djegura e të shkatërruara, familje që nuk dinin se ku gjendeshin anëtarët e tyre, atë ditë çdo gjë dukej shumë e bukur. Ajo ditë është dita më e bardhë për neve që kishim”, ka thënë Tahiri për Telegrafin.
Tahiri thekson se e gjithë familja ishin shumë krenarë për sakrificën, triumfin e UÇK-së dhe për fitoren, pavarësisht që sipas tij deri në ditën e çlirimit ishin përballur edhe me vdekjen.
“Ajo ditë për neve është dita më e shenjtë, ani pse deri te ajo ditë kishim kaluar nëpër shumë momente të rënda, atë ditë as që na shkonte mendja se disa ditë më përpara ishim përballur dhe shume afër vdekjes”, ka theksuar ai.
Ndër të tjera, Tahiri potencon se qytetarët e Kosovës dhe ata të komunës së Gjilanit kanë respekt dhe konsideratë të lartë për dëshmorët dhe luftën e UÇK-së.
Sipas tij, kjo dëshmohet gjatë festave e datave përkujtimore, me pjesëmarrjen e tyre në homazhe e shumë organizime të tjera.
“ Edhe nxënësit nëpër shkolla përmes shfaqjeve, poezive e organizimeve të ndryshme për dëshmorët gjatë festave kombëtare janë tregues i respektit të tyre dhe konsideratës së lartë që kanë për UÇK-në dhe dëshmorët e lirisë”, ka potencuar Tahiri shkruan Telegrafi.
Mirëpo, përkujtimi dhe nderimi për dëshmorët e rënë për liri sipas Tahirit nuk mjafton sepse ajo që e brengos atë dhe shumë të tjerë është gjykimi i lirisë.
“Burgosja e krerëve të UÇK-së, mbajtja e tyre në Hagë. Qëllimi për të barazuar luftën e shenjtë dhe të drejtë të popullit tonë me qindra masakra të kryera nga regjimi i Serbisë është dëmi më i madh që po i bëhet Kosovës 25 vite pas çlirimit”.
Sipas tij, atje nuk po gjykohen disa emra, por po gjykohet sakrifica e Kosovës për liri.
“Atje nuk po gjykohen disa emra, por po gjykohet sakrifica jonë për liri, ajo që ne po e gëzojmë qe 25 vite është vënë në peshore dhe po matet me krimet që janë kryere kundër neve jo vetëm gjatë luftës së fundit, por shekuj me radhë”, ka thënë ai.
Pavarësisht të gjithave, Tahiri thotë se Kosova që nga çlirimi është zhvilluar më shumë, ani pse sipas tij ka shumë skeptik të cilat këto zhvillime nuk i shohin dhe nuk i pranojnë.
Ai thotë se nga një vend i djegur e rrënuar gati tërësisht, sot Kosova është një vend ku vetëm varret e të vrarëve mund t’i dëshmojnë se këtu kishte luftë 25 vite më parë.
“Nga një vend i djegur e rrënuar gati tërësisht sot jemi një vend ku vetëm varret e të vrarëve mund ta dëshmojnë se këtu kishte luftë 25 vite më përpara. Zhvillimi i madh që ka ndodhur në Kosovë është edhe një bindje shtesë se për Kosovën ia ka vlejtur të sakrifikohet dhe për këtë sakrificë jemi shumë krenar”, ka përfunduar ai.
Ndryshe, Avdullah Tahiri ishte njëri nga organizatorët e demonstratave të pranverës së vitit 1981. Ishte themelues i Zonës Operative të Kosovës, të UÇK-së, dhe komandant i parë i ZOK-ut.
Më 15 gusht 1998, Tahiri u arrestua dhe pastaj nga burgu i Gjilanit u transferua në atë të Dubravës nga i cili nuk është kthyer i gjallë. Trupi i tij sot prehet në varrëzat e dëshmorëve në Gjilan. /Telegrafi/.
Lufta Prigozhin - Putin
Më shumëNjë i vdekur dhe 14 të lënduar në aksidentin mes autobusit dhe veturës në Keqekollë të Prishtinës
Fero dhe Arbenita Ismajli në pushime së bashku?
Miliarderi shpërbleu Kombëtaren e Gjeorgjisë me 10 milionë euro, premtoi një premio të jashtëzakonshëm nëse do të përjashtonin Spanjën
Parlamenti i Spanjës nuk mbështet iniciativën e partisë katalunase “Junts” për njohjen e shtetit të Kosovës, 293 deputetë votuan kundër
Imazhet satelitore thuhet se tregojnë përhapjen e zjarrit në "një terren ushtarak" të Rusisë në Krime
10 momentet më ikonike të Euro 2024 deri më tani, dy nga to janë krijuar nga Shqipëria
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Faza e eliminimit direkt në Euro 2024: Kompletohen çiftet, mësohet orari
Pse nuk u takua me Vuçiqin dhe a kanë vdekur marrëveshjet e Brukselit dhe Ohrit? - krejt çka tha Kurti pas takimit në Bruksel
Grusht shteti në Bolivi? Ushtarët sulmojnë pallatin presidencial, presidenti kërkon që të respektohet demokracia
Mburrej me të pasmet e saj 27-milionëdollarëshe: Besohet se trupi i saj nuk ka asnjë të metë, megjithatë realiteti është ndryshe
Hungaria priti tri ditë për tu eliminuar nga Euro 2024, Kroacia e treta më e dobët
Tifozët belgë filluan ta shanin, De Bruyne u hakmerret menjëherë