Rama ia dhuron “Helmetën Ilire” batalionit britanik që dhanë kontribut në çlirimin e Kosovës
Kryetari i Prishtinës, Përparim Rama, ka nderuar me çmimin “Helmeta Ilire” ish-oficerët e Ushtrisë së Mbretërisë së Bashkuar, të cilët kanë marrë pjesë në hyrjen e trupave të NATO-s në Kosovë në qershorin e vitit 1999.
Rreth 20 ish-oficerët u pritën në takim nga Rama, të cilët ndanë përvojat e tyre gjatë asaj kohe dhe vizitës në Kosovë.
Me këtë rast, i pari i kryeqytetit, u shpreh i nderuar për praninë e batalionit britanik. Ai tha se këta të fundit kanë dhënë kontribut të madh në çlirimin e Kosovës.
Rama tha se pas vizitës në kryeqytet të ish-oficerët britanik , tregoi “se po shohin një frymë pozitive, një energji pozitive, një zhvillim të bujshëm dhe të mirë të vendit tonë”.
Kryetari Rama potencoi se në shenjë respekti dhe në emër të qytetarëve u dhuroi “Helmetën Ilire”, të cilin e pranoi gjeneral majori Jeremy Rowen.
“E kam nderin që sot e kam batalionin britanik sot që kanë ardhur këtu të na nderojnë për festën e 25 vjetorit të lirisë. Janë njerëz këta që kanë hyrë të parët në Kosovë, që kanë dhënë kontributin më të madh të mundur për lirinë tonë që sot e gëzojmë, e që sot jemi të lirë t’i krijojmë tregimet tona për të ardhmen. Më vjen shumë mirë që edhe sot që kanë ardhur pas 25 vitesh të na vizitojnë, po e shohin një frymë pozitive, një energji pozitive, një zhvillim të bujshëm dhe të mirë të vendit tonë dhe po na falënderojnë që nuk ua kemi hedhur poshtë gjithë atë mund për të na çliruar vendin tonë. I kam falënderuar nga zemra dhe po ashtu u dhurova ‘Helmetën Ilire’, si një shenjë të respektit tonë në emër të qytetarëve të kryeqytetit, e po ashtu edhe gjithë Kosovës. Kontributi i shtetit britanik ndaj neve, Kosovës në përgjithësi, është shumë i madh”, tha Rama.
Ndërkaq, Rowen tha se Prishtina ka një impakt për batalionin britanik, duke shtuar se kryeqyteti tashmë është i gjallë, për dallim siç e kishte lënë para 25 viteve.
Gjenerali Rowen tha se të gjithë pjesëmarrësit në këtë takim kanë histori të ndryshme për të treguar gjatë kohës sa kishin qëndruar dhe vepruar në Kosovë gjatë vitit 1999.
“Unë mendoj, nëse flisni me të gjithë këtu, siç e keni dëgjuar tashmë, të gjithë do të kenë një histori shumë të ndryshme, sepse kur erdhëm këtu ditën e parë, të gjithë punonin në sektorin e tyre sepse gjithçka duhej rindërtuar. Një nga gjërat shumë interesante për mua ishte se sa shpejt u kthyen njerëzit. Inteligjenca jonë ushtarake; nuk ishte shumë inteligjente, gjë që është normale, ata thanë se njerëzit nuk do të ktheheshin në qytet për dy deri në tre javë. Epo, ata u kthyen në ditën e parë, dhe njerëzit vërshuan qytetin. Dhe pritja atje ishte absolutisht e jashtëzakonshme. Mendoj rreth tre ose katër ditë pasi erdhëm në qytet, unë po ecja vetëm me përkthyesin tim, dhe ishte një kohë e jashtëzakonshme, sepse të gjithë burrat po afroheshin dhe më shtrëngonin dorën dhe gratë po vinin dhe po më përqafonin, e di se cilën preferoja unë, por, uh, dhe më jepnin gjëra për të ngrënë dhe për të pirë. Dhe kohën time personale, si shumë e kalova në sektorin mjekësor, duke u përpjekur për të rikthyer dhe funksionuar Spitalin Universitar, që ishte një sfidë e konsiderueshme”, potencoi Rowen.
Kurse, njëri nga ish-oficerët e Ushtrisë së Mbretërisë së Bashkuar, që kishte marrë pjesë në hyrjen e trupave të NATO-s në Kosovë në qershorin e vitit 1999 tregoi se si shenjë falënderimi për kontributin e tyre, ishin “mbuluar” me lule nga qytetarët.
“Ne po kalonim nëpër fshatra dhe ishim të mbuluar me lule. Dhe kurrë nuk e kuptova fare mirë se nga vinin të gjitha këto lule. Por, ato duhej të hiqeshin vazhdimisht sa herë që kalonim nëpër një fshat tjetër… Kjo ishte një përvojë e re”, tregoi ai.
Promo
Reklamo këtuLufta Prigozhin - Putin
Më shumëNga Rubrika
Largimi i veturave të braktisura, Rama: Qëllimi kryesor i këtij aksioni është përmirësimi i cilësisë së jetës
Projekti i dixhitalizimit të parkingjeve, Havolli: Do të vendosen senzorët që do të komunikojnë në kohë reale me “Prishtina Parking”
Vetëm 8 për qind e buxhetit për investime kapitale, planifikohet për fshatra të Lipjanit
Ndërhyrja e Zelenskyt kur Trump thotë se ka marrëdhënie të forta edhe me Putinin – pastaj reagimi i ish-presidentit amerikan
Ndryshim moti në fundjavë, nga e diela rënie e temperaturave
Kurti në takim me kryeministrin e Kroacisë: Serbia mbetet faktor destabilizues e kërcënues i rajonit
Sveçla pas aksionit në Pejë ku u sekuestruan mbi një ton drogë: Prapa grilave është vendi i kriminelëve
Kjo verë ishte më e ngrohta e regjistruar në Evropë - por jo për të gjithë
Turki Alalshikh ka gjetur kundërshtarin e radhës për Daniel Dubois
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ndërhyrja e Zelenskyt kur Trump thotë se ka marrëdhënie të forta edhe me Putinin – pastaj reagimi i ish-presidentit amerikan
Sveçla pas aksionit në Pejë ku u sekuestruan mbi një ton drogë: Prapa grilave është vendi i kriminelëve
Delegacioni turk dhe delegacione të tjera u larguan nga salla gjatë fjalimit të Netanyahu në OKB
Kjo verë ishte më e ngrohta e regjistruar në Evropë - por jo për të gjithë
Turki Alalshikh ka gjetur kundërshtarin e radhës për Daniel Dubois
Zelensky ua paraqet politikanëve amerikanë 'planin e fitores' – tregon se për çfarë bëhet fjalë