Vetdorëzohen në Polici edhe dy anëtarë të familjes Likaj që dyshohen për plagosjen në Prizren

Janë vetdorëzuar edhe dy të dyshuar për plagosjen në Prizren.

Siç njofton Policia, ata janë të dyshuar për veprën penale vrasje e rende ne tentative, lëndim i rendë truporë, mbajtje ne pronësi, kontroll apo posedim te paautorizuar te armeve dhe pjesëmarrje ne rrahje, e cila ka ndodhe me 22.05.2024 në fshatin Krajk dhe Gjonaj të Prizrenit.

Vetdorëzimi ka ndodhur pas publikimit te fotove, në të cilën kërkohej ndihmë nga qytetarët për arrestimin e tyre.

Hajdin Zenel LIKAJ 13.05.1971 – fshati Krajk, Komuna e Prizrenit;

Hajdar Abedin LIKAJ 22.07.1981 – fshati Krajk, Komuna e Prizrenit;

Hetuesi policor gjatë hetimit të rastit në cilësinë e provave materiale kanë arrit te gjejnë dhe te sekuestrojnë një revole (pistoletë revolver) me mbishkrim 357 MAGNUM, me numër serik 72032 dhe dy fishekë kalibër i panjohur, për të cilën dyshohet se është përdorur.

Të njëjtit në prani të avokatit mbrojtës janë intervistuar.

Në lidhje me këtë është informuar prokurori i rasti, i cili ka lëshuar aktvendim për ndalimin e të dyshuarve për 48 orë.

“Falënderojmë mediat dhe qytetarët për bashkëpunim”, thuhet në njoftim./Telegrafi/