Standardi evropian: A e dini se për çfarë shërbejnë mbulesat e vogla në pjesën e përparme dhe të pasme të automjetit?

Ka një mbulesë të vogël në pjesën e përparme dhe të pasme të veturave të reja. Është një element që ndihmon në transportin e mjetit në rast emergjence.

Kur hiqet mbulesa, poshtë ka një fije që shkon në grep, e cila zakonisht ndodhet në bagazhin dhe përdoret për tërheqjen e automjetit. Më parë, automobilat kishin një unazë metalike që dukej në pjesën e pasme të automjetit, por sot kjo pjesë e detyrueshme e harduerit të makinës është e fshehur – për arsye estetike.

Rregulloret e Bashkimit Evropian e deklarojnë këtë mbulesë dhe aftësinë për të tërhequr veturën si një kusht pa të cilin nuk është e mundur të dalësh në treg.

Përmendet një grep ose ‘sy’, i cili duhet të mundësojë lidhjen me një litar ose shirit tërheqës.

Në tregje të tjera, si në SHBA, kjo kërkesë nuk ekziston, por shumë prodhues ende kanë mbulesa në automjetet e tyre.

Kushti i BE-së përmbahet në rregulloren 1005/2010, dhe numri i fundit tregon vitin që nga hyrja në fuqi e kësaj rregulloreje.

Sipas tij, pika e ankorimit të mjetit duhet të mbajë ekuivalentin e së paku gjysmës së peshës maksimale teknikisht të lejueshme të mjetit. /Telegrafi/