LAJMI I FUNDIT:

Shumica e shqiptarëve në Kosovë e Shqipëri do votonin pro referendumit për bashkim

Shumica e shqiptarëve në Kosovë e Shqipëri do votonin pro referendumit për bashkim

Qytetarët në Kosovë dhe në Shqipëri, në shumicë, janë shprehur se do të votonin pro nëse do të mbahej një referendum për bashkimin e Kosovës dhe Shqipërisë.

Përkatësisht, janë 82,9% e të pyeturve në Shqipëri që do të votonin pro një referendumi të mundshëm, dhe në Kosovë pak më pak, në nivelin e 70,6 % e të pyeturve janë ata që do të votonin pro në një referendum për bashkimin.

Një përqindje shumë e vogël si në Kosovë edhe në Shqipëri është shprehur se do të votonte kundër në një referendum të tillë, përkatësisht 12,7 % e të pyeturve në Shqipëri, dhe 24,2 % në Kosovë.


Në një përmbledhje të rezultateve të sondazhit të Barometrit në Euronews Albania për Bashkimin Kombëtar, një studim që bëri bashkë për herë të parë qytetarët e Kosovës edhe të Shqipërisë në një pyetësor të përbashkët, ajo që del si konkluzion i rezultateve është se shqiptarët e Kosovës janë më koherentë më të qëndrueshëm në besimet e tyre për këtë çështje.

Në të dhënat e anketimit të përmbledhura për të gjitha pyetjet e sondazhit për bashkimin kombëtar duket qartë se pavarësisht se shqiptarët e Shqipërisë kanë dakordësi më të lartë në disa pyetje (psh kur pyeten për dëshirën) ata luhaten në përqindjet e përgjigjeve të tjera duke ndryshuar nivelet e dakordësisë kur flitet për (sa të mundur e shihnin, si do të votonin në referendum, apo nëse do të ishin të gatshëm për të paguar një taksë).

Më të matur por më të qëndrueshëm duken qytetarët e Kosovës për të gjitha nivelet e pyetjeve të mësipërme për Bashkimin Kombëtar.

Këto ndryshime duken qartë në grafikët krahasues të të gjitha përgjigjeve të shqiptarëve të marra së bashku dhe të krahasuara.

Në trend Lajme

Më shumë
Grenell kritikon Kurtin, a po përfshihet SHBA në zgjedhjet e Kosovës?

Grenell kritikon Kurtin, a po përfshihet SHBA në zgjedhjet e Kosovës?

Politikë
Gjendet një raketahedhës M80 në kufi me Serbinë, policia jep detajet

Gjendet një raketahedhës M80 në kufi me Serbinë, policia jep detajet

Kronika e Zezë
KQZ del me sqarim pse vendosën transportimin e fletëvotimeve nga diaspora në rrugë tokësore

KQZ del me sqarim pse vendosën transportimin e fletëvotimeve nga diaspora në rrugë tokësore

Lajme
Bëhen 25 vjet nga vrasja e dhjetë qytetarëve në veri të Mitrovicës –  Kurti i shkruan letër Kaja Kallas

Bëhen 25 vjet nga vrasja e dhjetë qytetarëve në veri të Mitrovicës – Kurti i shkruan letër Kaja Kallas

Lajme
Mbi 15 mijë vota transportohen me kombibus nga Cyrihu në Prishtinë, Mehmetaj ngrit alarmin për “manipulim”

Mbi 15 mijë vota transportohen me kombibus nga Cyrihu në Prishtinë, Mehmetaj ngrit alarmin për “manipulim”

Lajme
Shqipëria në luftë kundër pesticideve dhe antibiotikëve në ushqim

Shqipëria në luftë kundër pesticideve dhe antibiotikëve në ushqim

Lajme
Kalo në kategori