Presidentja e Kosovës, Vjosa Osmani ka deklaruar të mërkurën se Kosova ka ndërmarrë të gjitha hapat e nevojshëm që të arrijë anëtarësimin në Këshill të Evropës.
Duke komentuar letrën e tre liderëve të shtetit drejtuar raportueses për Kosovën në Këshillin e Evropës, Dora Bakyoannis, e në të cilën u dha zotimi për zbatim të marrëveshjeve, në të cilat përfshihet themelimi i Asociacionit të komunave me shumicë serbe, presidentja Osmani ka deklaruar se “Kosova ka dhënë përkushtimin për themelimin e Asociacionit, nëpërmjet ratifikimit në Kuvend të marrëveshjes së vitit 2013, por edhe me Marrëveshjen Bazë të shkurtit të vitit 2023”.
Osmani ka thënë se çështja e Asociacionit nuk i kërkohet Kosovës para pranimit në KiE.
“Mos të harrojmë që për themelimin e tij është dhënë përkushtimi i plotë më 2013 nëpërmjet ratifikimit, por ky është përsëritur në marrëveshjen e fundit, atë bazike të 27 shkurtit 2023. S’është përkushtim i marsit 2024, por i marrëveshjes bazike së vitit 2023 që është pranuar nga delegacioni i Kosovës dhe siç e dini të gjithë përfshin edhe detyrimin për themelimin e Asociacionit”, tha Osmani para gazetarëve.
Presidentja më tej shtoi se kërkesë e saja ka qenë që në letër të përfshihet një pjesë ku çdo detyrim i Republikës së Kosovës të zbatohet në përputhje me të drejtën kushtetuese, ligjet e Republikës së Kosovës, me Kushtetutën dhe aktgjykimet e Kushtetueses.
Osmani tutje u shpreh se shpreson që sot të miratohet raporti i Bakoyannisit në mbledhjen e sotme të Komisionit për Çështjet Politike dhe Demokraci të Këshillit të Evropës.
“Raporti tashmë është pozitiv, përmbajtja e raportit rekomandon tashmë që Kosova të bëhet anëtare e plotë e KiE me të drejta të barabarta. Ajo që do të ndodh sot është procedurë, është një mbledhje e jashtëzakonshme e komitetit që është ftuar që ky raport të miratohet dhe pastaj të procedohet për Asamblenë Parlamentare të Këshillit të Evropës”, tha Osmani.
Tutje presidentja Osmani u shpreh se nuk mund të paragjykojnë rezultatin sepse kjo është në vullnetin e deputetëve individual të shteteve që marrin pjesë sot në komitet.
“Kosova ka ndërmarrë të gjithë hapat e nevojshëm që shtetet ta përkrahin këtë anëtarësim. Nëse sot gjithçka kalon me sukses, atëherë në mes të prillit do të jetë mbledhja e gjithë Asamblesë Parlamentare të Këshillit të Evropës. Nëse i marrim votat e nevojshme, aty rekomandohet anëtarësimi dhe ky rekomandim kalon në komitetin e ministrave për mbledhjen e muajit maj. Aty vendoset për anëtarësimin e plotë”, ka deklaruar Osmani.
Këto komente presidentja i bëri pas konferencës së organizuar nga Universiteti i Prishtinës dhe ai i Arkansasit, për 25-vjetorin e ndërhyrjes së NATO-s në Kosovë./Telegrafi/
Lufta Prigozhin - Putin
Më shumëNga Rubrika
SPB-Tetovë: 10 punonjës nga Nepali të cilët po punonin në një objekt hotelerik janë larguar nga vendi
Rasti i rëndë i Alma Arrazit – mesazhet me tone kërcënuese që ia dërgonte bashkëshorti Erdgysi
Media greke: Rama nuk ka ende leje për sallën ku do të mbahet takimi në Athinë
Opozita maqedonase fiton zgjedhjet e dyfishta
KSHZ publikon rezultatet e para përfundimtare, ky është numri i deputetëve të partive në Kuvend
Këto pritet të jenë ulëset e partive në Kuvend për katër vitet e ardhshme
Përbërja e re e Kuvendit në RMV duhet të konstituohet jo më vonë se 20 ditë pas zgjedhjeve
KFOR-i gjen një pushkë me 13 fishekë të vendosur në një pemë në Zveçan
"Lidhjet me Serbinë" dhe informata nga Qeveria e Kosovës, çka deshi të thotë Escobar pas pretendimeve se është i implikuar?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend