Ndërtesa e Unionit me një funksion të ri

Në një transformim novator, Ndërtesa e Unionit e njohur më parë si Benettoni, një ndërtesë me një rëndësi historike, po kalon një metamorfozë të rëndësishme për t’u bërë – një qendër tregtare me mbi 2940m2.

E planifikuar të hapë dyert në verën e këtij viti, ky objekt ikonë jo vetëm që po ndryshon pamjen, por gjithashtu po ripërcakton qëllimin e tij, duke premtuar të jetë një qendër e përvojave të ndryshme për familjet, çiftet, individët dhe fëmijët.

Të gjitha markat e njohura do të jenë nën të njëjtën çati, nga ato botëroret deri tek brendet tona vendore. Por përvojës së veçantë patjetër që do ti kontribuojnë restorantet dhe kafet, me ç’rast vizitorët do të gjejnë një sërë opsionesh.

Union do të shndërrohet në një “hapësirë të hapur” e cila inkurajon eksplorimin dhe ndërveprimin social, duke ofruar një përvojë unike dhe të këndshme për çdo vizitor.

Për më tepër, Unioni u bën një ftesë investitorëve potencialë, duke i inkurajuar ata të jenë pjesë e këtij rrugëtimi transformues. Ky projekt paraqet një mundësi të veçantë për ata që kërkojnë të investojnë në një ndërmarrje dinamike dhe premtuese.

Dikur simbol i një epoke të shkuar dhe me shumë nostalgji, përtëritja e ndërtesës së Unionit në një qendër tregtare nënkupton përzierjen harmonike të historisë dhe modernitetit. Duke ruajtur integritetin arkitektonik të së kaluarës duke përqafuar dizajnin bashkëkohor, ky transformim rigjallëron një strukturë që i ka rezistuar provës së kohës.

Ndërtesa e ish “Hotel Union” e ndërtuar në vitin 1927 nën drejtimin e arkitektit austriak, Andrija Kremer, shfaq një përzierje harmonike të elementeve të neo-Rilindjes, neo-Barokut dhe artit të ri.

Në vitet e para, ai mbante emrin “Hotel Skënderbeu”, një titull i vërtetuar nga pikturat magjepsëse dhe ikonat që zbukurojnë muret e tij. Pas Luftës së Dytë Botërore, ndërtesa pësoi një transformim të rëndësishëm kur qeveria mori pronësinë dhe e riemërtoi atë si “Hotel Unioni” gjatë procesit të shtetëzimit.