Fond prej 100 milionë eurosh për startup-et dhe kompanitë inovative në Shqipëri

Në Shqipëri është mbajtur ngjarja më e rëndësishme rajonale që i takon ekosistemit të bizneseve që kanë në qendër teknologjinë dhe informacionin.

Forumi Keiretsu në bashkëpunim me ICTSlab organizuan për herë të parë “Startup Ecosystem Expert Insight”.

Gjatë këtij organizimi u bë e ditur se një fond prej 100 milionë eurosh do të jetë i disponueshëm për startup-et dhe kompanitë inovative në Shqipëri .

Lexo po ashtu Keiretsu Forum SEE sjell në Tiranë Launchub dhe Vitosha Ventures - zbulohen 100 milionë euro potencial në kapitalin venture 

Ndërmarrësi Ardian Hoxha u shpreh se qëllimi i tyre është që ta qojnë rajonin tonë në nivelin e Evropës Perëndimore.

“Ne jo vetëm që organizojmë evente ku ftojmë startup-e jo vetëm nga SHQIPËRIA por nga gjithë rajoni, por gjithashtu bëjmë bashkë investitorët dhe bashkëpunojmë me të gjithë ekosistemin duke përfshirë këtu qeveritë dhe organizatat e ndryshme. Së bashku synojmë që ta qojmë rajonin tonë në nivelin e Evropës Perëndimore”, tha Hoxha.

Ndërkaq Arbjan Mazniku, ministër i shtetit për pushtetin vendor ka thënë se është e rëndësishme që salla e një ngjarje si kjo të jetë plot sepse flet shumë sesi ky vend po ecën përpara në drejtim të këtij ekosistemi të teknologjisë dhe zhvillimit

Ministrja e Financave dhe Ekonomisë në Shqipëri, Delina Ibrahimaj u shpreh se “jam shumë e kënaqur që ky forum po organizohet pikërisht në këtë moment që është i rëndësishëm për agjencinë e statrup-ave pasi që ne sapo kemi finalizuar strategjinë tonë të zhvillimit të sipërmarrjes inovative”.

Keiretsu Forum Southeast Europe (SEE) është shfaqur si një forcë udhëheqëse në peizazhin e investimeve në Evropën Juglindore dhe Qendrore që nga themelimi i tij në vitin 2021. Si anëtar kyç i rrjetit global të Keiretsu Forum, Kapitulli i SEE është i përkushtuar të sjellë në rajon një gamë dinamike të mundësive të investimeve në fazat fillestare dhe të mbjelljes.

Duke përfshirë nëntë shtete, përfshirë Shqipërinë, Bosnjë dhe Hercegovinën, Kroacinë, Hungarinë, Kosovën, Malin e Zi, Maqedoninë e Veriut, Serbinë dhe Slloveninë, ky rrjet i gjallë bashkon investitorë privatë, investitorë engjëj, kapitalistë rreziku, korporata, firma ligjore dhe inovatorë. Qëllimi i tyre është të katalizojë investimin, rritjen dhe bashkëpunimin ndërkufitar. /Telegrafi/

https://www.youtube.com/watch?v=ojoQWRfjQRw