Kourtney Kardashian pëson një defekt të sikletshëm në veshje në Australi, duke zbuluar më shumë se ç’duhet

Kourtney Kardashian ka pësuar një defekt të madh në veshje gjatë një dalje.

Ajo dhe fëmijët e saj, Penelope, 11 vjeçe, dhe Reign, nëntë vjeç, e kanë ndjekur burrin e saj, Travis Barker, 48 vjeç, gjatë turneut botëror të grupit të tij, Blink-182, shkruan The Sun.

Kourtney u pa me fëmijët e saj në Australi, ku ajo po provon të qëndrojë pranë Travis ndërsa ai udhëton kudo. Sidoqoftë, këmisha e gjatë e Kourtney-së u ngrit nga një rrymë e lehtë ere dhe zbuloi të pasmet e saj.

Gjatë ditës, në Ditën e Shën Valentinit, Kourtney festoi me fëmijët duke luajtur tenis dhe duke ushqyer disa kuaj, duke shijuar kohën në Australi. Kourtney ishte veshur me një këmishë të bardhë me mëngë të gjera si një fustan, me flokët e bërë dredha, duke u përshtatur me një palë syze dielli të zinj dhe çizme të gjata deri në gjunjë.

Pavarësisht rastësisë me veshjen, Kourtney raportohet të jetë duke u përballur me një sfidë tjetër sekrete. Thuhet se ajo po përdor Sidneyn si bazën e saj gjatë udhëtimeve të bateristit, por po merr gjithçka për sipër mbi veten.

Një burim tha: “Kourtney po e ka vërtetë të vështirë – ndryshimi i orës dhe një fëmijë i porsalindur plus e gjithë familja nuk është tragjedi. Për më tepër, Travis po punon shumë kështu që ai nuk është aty për ta ndihmuar”.

“Me siguri ajo ka personel rreth vetes, por ajo dëshiron të jetë aktive dhe të qenët larg shtëpisë është një sfidë e vërtetë. Gjëja më e rëndësishme për të është të mbajë bashkësisht njësinë familjare dhe ajo nuk donte të ndahej nga ai për një muaj, por kjo po i duket shumë më e vështirë se sa kishte menduar – shtatzënia ishte e vështirë për të dhe ajo nuk ka aq energji sa mendonte se do të kishte”.

Kourtney ka ndarë me ndjekësit disa fotografi nga udhëtimi deri tani në rrjetet sociale me fëmijët dhe burrin e saj. Mason, 14 vjeç, të cilin e ka gjithashtu me Scott Disick, 40 vjeç, është shumë i rezervuar për kamerën këto ditë, por mendohet se është me ta.

Blink-182 nisën turneun e tyre në Australi në Perth javën e kaluar. Grupi i muzikës ‘pop-punk’ – që përbëhet nga Travis, Tom DeLonge, dhe Mark Hoppus – do të luajnë rreth vendit pothuajse çdo ditë deri më 29 kur do të përfundojnë në Melburn. /Telegrafi/