Inspektorët e Autoritetit Slloven të Sigurisë Ushqimore kanë ndaluar të hënën versionin me kafeinë të pijes energjike Prime sepse, siç thuhet, përmban përbërësin L-theanine, i cili nuk lejohet në pijet joalkoolike në BE, por lejohet në ushqime të tjera.
Kështu raportojnë mediat e huaja, përcjell Telegrafi, sipas të cilave, megjithatë, versioni i pijes hidratuese mbetet në raftet e dyqaneve sllovene.
“Inspektoriati ndaloi shitjen e pijes Prime për shkak të një përbërësi të paautorizuar. Pija energjike Prime përmban përbërësin L-theanine, i cili nuk lejohet në pijet joalkoolike. Vlera e kafeinës përbën rrezik për shëndetin e fëmijëve”, shkruan mediumi slloven Delo.si, përcjell Telegrafi.
Në bazë të një raporti, tregon ky medium, “Inspektoriati i Administratës për Siguri Ushqimore, Veterinarinë dhe Mbrojtjen e Bimëve (UVHVVR) ka kryer kontrolle në pijet Prime”.
“Ai zbuloi se ekzistojnë dy versione në treg, përkatësisht pije hidratuese pa kafeinë dhe pije energjike me kafeinë. Një kontroll i mëvonshëm nga afër i përbërësve tregoi se pija energjike Prime përmban përbërësin L-theanine, i cili nuk lejohet në pije joalkoolike dhe për këtë arsye u vendos një ndalim”, shkruan më tej Delo.si.
Ndërsa siç raportojnë mediat kroate të martën, Ministria e Shëndetësisë e këtij vendi ka njoftuar se në të njëjtin drejtim po ecën edhe Kroacia.
“Sot HZJZ do të bëjë një paralajmërim për dëmin e pijeve energjike dhe në orën 18.00 kam një takim me Inspektoratin Shtetëror për të gjetur një zgjidhje ligjore për të kufizuar konsumin e pijeve të dëmshme energjetike…, të cilat aktualisht u ofrohen ilegalisht fëmijëve në treg”, citohet të ketë thënë ministri Vili Berosh, shkruan Index.hr, përcjell Telegrafi.
Siç kujton mediumi kroat, Prime është një markë e re e pijeve e lansuar në janar të vitit 2022 nga YouTuber-ët e njohur Logan Paul nga SHBA dhe Olajide Olatunji – KSI, nga Britania e Madhe.
Sipas reklamave, pijet përmbajnë përbërës të ndryshëm që përmirësojnë hidratimin, performancën dhe energjinë tek konsumatorët.
Megjithatë, disa prej tyre përmbajnë doza të larta të kafeinës, e cila mund të jetë e rrezikshme, veçanërisht për fëmijët në zhvillim, thekson mediumi kroat.
Mediumi kroat vë në pah faktin se të rinjtë ndonjëherë dinë të përziejnë pijet energjike me alkoolin, gjë që mund të jetë veçanërisht problematike.
Prof. Ph.D. Darija Vraneshiq Bender, nutricioniste, ka thënë se pijet energjetike mund të shuajnë ndjenjën e dehjes, por që mund të çojë në marrjen e tepërt të alkoolit dhe të rrisë rrezikun.
“Përzierja e alkoolit dhe pijeve energjike është një kërcënim serioz për shëndetin dhe jetën dhe janë regjistruar raste që ky kombinim ka qenë shkaktar i atakut kardiak tek të rinjtë”, ka paralajmëruar dietologia. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Turbulenca të forta gjatë udhëtimit me aeroplan Londër-Singapor, humb jetën një person dhe mbi 30 të lënduar
Iranianët dalin në rrugë për t’i dhënë lamtumirën e fundit presidentit Ebrahim Raisi
Kur një autoblindë 70-vjeçare ruse BTR-50 sulmon trupat ukrainase, është një lajm i keq për Moskën
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251