​Tronditet futbolli spanjoll, lojtari gjendet i vdekur në vagonët e trenit

Futbolli spanjoll ka pësuar një tronditje të madhe pas vdekjes së 18-vjeçarit Alvaro Prieto, një lojtar i ri i Cordobas.

Futbollisti, i cili u zhduk të enjten e 12 tetorit pasi mori pjesë në një festë në Sevillë, u gjet i pajetë në stacionin Santa Justa.

Sipas asaj që rezultoi, trupi i 18-vjeçarit u gjet mes dy vagonave të një treni që ishte jashtë funksionit që prej muajit gusht dhe po kryente sot një test funksionimi pa pasagjerë.

#DEP, Álvaro 💔 pic.twitter.com/HPH7RJu4xY

— Córdoba CF (@CordobaCF_ofi) October 16, 2023

Vetë skuadra e Cordobas njoftoi vdekjen e lojtarit dhe shprehu ngushëllimet për familjen e të riut.

Lexo po ashtu U godit nga treni, ndërron jetë ish-futbollisti spanjoll në moshën 32 vjeçare

“Ngushëllimet tona më të thella për familjen, ata kanë mbështetjen tonë të pakushtëzuar. Faleminderit që jeni pranë nesh në këtë moment të vështirë”, thuhet në njoftimin e klubit.

⚫ La @SEFutbol sub-21 guarda un minuto de silencio antes de comenzar su entrenamiento en Kazajistán en recuerdo del que fuera médico de la Selección, Jorge Guillén, y de Álvaro Prieto, jugador juvenil del @CordobaCF_ofi, ambos recientemente fallecidos.

DEP pic.twitter.com/hQbizjpDCd

— Selección Española Masculina de Fútbol (@SEFutbol) October 16, 2023

Trupi i pajetë i lojtarit është vënë re nga një reporter i televizionit “Espanola” i cili po realizonte një raport për zhdukjen e 18-vjeçarit. Në mes të vagonëve u vunë re këmbët e lojtarit dhe nga aty u ngrit alarmi.

Prieto, mësohet se kishte veshur ende pantallona dhe këmishë jeshile me të cilën ishte parë për herë të fundit më 12 tetor. /tch/