Frontmeni i Rammstein lirohet nga akuzat për sulm seksual

Prokurorët në Gjermani i kanë ndërprerë hetimet kundër këngëtarit të “Rammstein”, Till Lindemann.

Gjegjësisht, këngëtari akuzohej për sjellje të papërshtatshme dhe abuzim seksual, por Deutsche Welle tani raporton se hetuesit nuk kanë mundur të mbledhin asnjë provë për t’i mbështetur këto akuza.

Akuzat kundër rokerit u shfaqën fillimisht në një postim në internet nga një fanse e quajtur Shelby Lynn, e cila pretendoi se pijet e saj ishin të mbushura me drogë përdhunimi gjatë një feste zyrtare para koncertit në Lituani më 22 maj. Pas festës së përmendur, ajo pretendoi se kishte të vjella dhe kishte mavijosur, ndërsa gjatë takimit me muzikantin e kishte refuzuar afrimin e tij.

They could offer me 10 billion I still wouldn’t take it. I will not be silenced, I will be the voice for the many MANY victims.

— Shelby Lynn (@Shelbys69666) May 25, 2023

“Dua të sqarohem përsëri. Till nuk më preku. Ai pranoi që nuk doja të bëja seks me të. Unë kurrë nuk pretendova se më kishte përdhunuar”, ka theksuar Lynn në një postim në Twitter, me gjithë protestat dhe akuzat fillestare.

Grupi lëshoi shpejt një deklaratë duke i mohuar akuzat, por më shumë raporte pasuan nga fansat e tjerë të “Rammstein”, të cilët pretenduan se fanset femra që ndiqnin koncertet u tërhoqën rregullisht nga audienca. Për më tepër, dikush nga rrethi i njerëzve të afërt me grupin do t’i prezantonte me Lindemann dhe në disa raste u përmend se disa fansa femra ishin droguar gjithashtu.

Grupi lëshoi shpejt një deklaratë duke mohuar akuzat, ndërsa hetimet janë ndërprerë edhe ndaj Alena Makeeva, ish-anëtare e menaxhmentit të bendit, e cila pretendohej se i ftonte femrat në ahengje ku do të takoheshin me Lindemann, pasi u gjetën prova të pamjaftueshme se ajo ishte e përfshirë në aktivitete kriminale.

Në qershor, prokurorët në Lituani njoftuan se nuk do të hapnin një hetim për akuzat e Lynn dhe tani autoritetet gjermane kanë vendosur të bëjnë të njëjtën gjë, sepse nuk mund të mblidhnin deklaratat e viktimave të supozuara dhe nuk gjetën prova se Lindemann i kishte kryer në të vërtetë krimet me ndihmën e drogës. /Telegrafi/