Shaqiri: Nga 1 shtatori rriten pagat për arsimtarët, nxënësit të mos përdoren për politikë ditore

Do të ketë rritje të rrogës për arsmitarët në 1 shator, deklaroi në konferencën e sotshme Ministri i Arsimit dhe Shkencës Jeton Shaqiri, që sipas tij kjo të jetë një tjetër përmirësim i stafit pedagogjik.

“Kemi rritur të ardhurat e tyre personale në vitin 2022 dhe 2023 me 18.4 për qind dhe kjo politikë do të vazhdojë. Njoftoj se si rezultat i diskutimeve me sindikatat përfaqësuese, së shpejti do të kemi një rritje të re të pagave dhe të asaj që rezulton nga kontrata e përgjithshme kolektive, por edhe një përshtatje të pagës minimale. “Në një periudhë prej një viti, të gjitha rritjet grafike të pagave për mësimdhënësit lejojnë që të ardhurat e tyre personale të rriten për mbi 35 për qind”, ka shtuar Shaqiri.

Pas paralajmërimit për protesta, ai ka bërë të ditur se sot në ora 14 do të ketë takim me sindikatat e pavarura, ndërsa dje ka mbajtur takim me Sindikatën e Arsimit, Shkencës dhe Kulturës (SASHK).

“Kam thënë që nga kjo e 1 shtator do të vazhdojmë me paga më të larta. Më e lartë se kontrata e përgjithshme kolektive dhe jemi duke negociuar me Ministrinë e Financave për respektimin e pagës minimale. I thashë SASHK-ut dhe Sindikatës së Pavarur, kurrë nuk dua që fëmijët, as nxënësit, as mësimdhënësit të jenë pjesë e politikës ditore që bëhet në mes të sindikatave për anëtarësim sa më të madh. Lërini të gjejnë ndonjë instrument tjetër. Dhe unë si ministër po them që nga 1 shtatori do të ketë paga më të larta, të cilat kumulative në një vit, kjo nuk është bërë për më shumë se njëzet vjet, marrin një rritje kumulative më të lartë prej 35 për qind. Pra, nëse vazhdojmë kështu me modelin e ri të kontratës së përgjithshme kolektive, çdo vit do të ketë paga më të larta. Dhe sot në takim ky do të jetë qëndrimi im dhe ky do të jetë qëllimi im”, ka thënë Shaqiri.