Rotary Club Peja brenda vetëm 60 minutave sa zgjasin takimet e rregullta javore, në takimin e tyre të rregulltë të 833, arritën të prezantojnë progresin e projekteve Rotary, të shqyrtojnë propozimet për anëtarë të rinjë, diskutojnë për aktivitete Rotary, bëjnë pranimin e dy Anëtarëve të Nderit, sipas ceremonisë Rotary dhe dëgjojnë prezantimet e mysafirëve pjesëmarrës nga SHBA në këtë takim të rëndësishëm Rotary.
Rotarianët Pejanë të udhëhequr nga Dr. Dardan Asllani, Kryetar i Rotary Club Peja për vitin Rotary 2023-2024, në këtë takim paksa më të veçantë, bënë pranimin si Anëtarë Nderi në Rotary Club Peja, dy veprimtarëve të devotshëm të çështjes kombëtare dhe anëtarë të Bordit të Ligës Qytetare Shqiptaro-Amerikane, Agim Aliçkaj dhe Hafiz Shala, të cilët me punën, përkushtimin dhe lobimin e tyre kanë ndihmuar kauzën tonë për liri dhe pavarësi duke shërbyer vullnetarisht kombin tërë jetën.
Në takim ishte i pranishëm edhe Haki Dervishi, Rotarian i devotshëm nga Indio Sunrise Rotary Club, Kaliforni, SHBA dhe Anëtar Nderi i Rotary Club Peja.
Kontributi i të cilit për çështjen kombëtare është i jashtëzakonshëm.
Takimi filloi si zakonisht me zotimin e Rotarianëve Pejanë për të punuar dhe vepruar sipas urtësisë dhe porosive të 4 Way Test të njohur në gjuhën Shqipe si Prova e Katër Kërkesave. Ky test me kënaqësi u citua nga Rotarian Haki Dervishi Rotarian nga Kalifornia, SHBA.
Në vazhdim mund të gjeni Provën Rotary të Katër Kërkesave e cila ndihmon Rotarianët të jetojnë dhe veprojnë duke u bazuar në të vërtetën, të drejtën, në miqësi dhe vullnet më të mirë dhe shpërblim për të gjithë ata që kontribuojnë.
Prova e Katër Kërkesave:
“Gjërat që i Mendojmë, i Themi apo i Veprojmë
1. A Janë të VËRTETA?
2. A Janë të DREJTA për të gjithë?
3. A do të ndërtojnë VULLNET dhe MIQËSI më të mirë?
4. A do të SHPËRBLEHEN të gjithë të interesuarit?”
Agim Aliçkaj shpalosi një kontribut tejet të madh dhe të vërtetë më pak të njohur për Haki Dervishin. Miku ynë, Haki Dervishi ka financuar botimin e librit “Rescue in Albania” dhe bashkëpunuar ngushtë me Harvey Sarner, autorin e këtij libri të veçantë dhe tejet të rëndësishëm për ndriçimin e të vërtetës rreth rolit dhe kontributit të Shqiptarëve për shpëtimin e Hebrenjve nga Holokausti gjatë luftës së dytë botërore.
Dr. Neshad Asllani, Kryetar Themelues i Rotary Club Peja, falënderoi Haki Dervishi për kontributin e tij të jashtëzakonshëm personal dhe të Rotarianëve të Indio Sunrise Rotary Club Kaliforni, për pranimin e Kosovës në Rotary International me 5 Nëntor 2005, dhe sponsorizimin e Rotary Club Peja, Klubit të parë të zyrtarizuar në Kosovë.
Në vazhdim Rotarianët Pejanë i dhanë mirëseardhje të merituar Hafiz Shala dhe Agim Aliçkaj me ceremoninë e dedikuar për pranimin e anëtarëve të rinj:
• Prezantimi nga mentori i tyre – Rtn Haki Dervishi
• Vendosja e Pinit Rotary dhe dorëzimi i Certifikatës së Anëtarësimit nga Rtn Neshad Asllani dhe Rtn Haki Dervishi
Rotarianët e rinj Pejanë, Rtn Hafiz dhe Rtn Agim, falënderuan kryetarin e klubit Dr. Dardan Asllani dhe Rotarianët Pejanë për besimin e dhënë dhe shprehen gatishmërinë e tyre për të kontribuar në projektet e Rotary Club Peja në të ardhmen.
Rotarianët Pejanë, mirëpritën bashkimin e Rotarian Hafizit dhe Rotarian Agimit në familjen Rotary duke i dhuruar kompletin “Welcome to Rotary”, Librin Rotary Basics, broshurën e Rotary Club Peja si dhe librin “BISEDAT E FRANKUT mbi ROTARY-n” të përkthyer nga Rtn Gjergji Çiçoi – Rotary Club Korça.
Rotary Club Peja i gëzohet rritjes së numrit të anëtarëve dhe mirëpret liderë të rinj në radhët e veta. /Telegrafi/
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Projekti më i mirë, Piramida e Tiranës fiton çmimin e madh për Evropën Juglindore
Kosova jashtë KiE-së, deputetja finlandeze akuzon BE-në se po tregohet e butë me Serbinë
Bie nataliteti në Kosovë, ASK dhe MPB me statistika të ndryshme për lindjet
Kosova jashtë KiE, Mujanoviq: BE po çon ujë në ‘mullirin’ e Vuçiqit
Plagosje me armë zjarri në Nashec të Prizrenit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore