Vetura elektrike urbane Fisker Pear 2025 do të ketë hapësirë për gjashtë persona

Vetura elektrike Fisker Pear do arrijë në vitin 2025, dhe çmimi fillestar i saj pritet të jetë nën 32 mijë euro (28 mijë funte)

I prezantuar në eventin Fisker Product Vision në Kaliforni mbrëmjen e kaluar, Pear është ndërtuar për të akomoduar linjën e start-up-it amerikan dhe është projektuar për të minimizuar kostot e prodhimit.

“Ne donim të dizajnonim një veturë për stilin e jetës së sotme dhe të ardhshme”, tha gjatë eventit Henrik Fisker, drejtori ekzekutiv i kompanisë, duke shtuar se ajo është krijuar për të tërhequr edhe shoferët më të rinj në moshë, raporton Autocar, transmeton Telegrafi.

Pear do të ketë vend për pesë ose gjashtë persona dhe ofron dy opsione të baterive: njëra që ofron rreze të ngasjes prej 160-240 kilometrave (100-150 milje), që synon blerësit e qytetit dhe tjetra që ofron rreze prej mbi 480 kilometra (mbi 300 milje).

Vetura me rreze më të vogël pritet të jetë më e popullarizuara. “Në dy vjet, do të shihni njerëz që kuptojnë se nuk kanë nevojë për atë rreze, veçanërisht nëse kanë një veturë të dytë. Por sot nuk funksionon. Ka disa vetura atje që kanë një distancë prej 160-240 kilometrave (100 deri në 150 milje) dhe nuk shiten”, kishte deklaruar para disa kohësh Henrik Fisker. /Telegrafi/