Nigeriani u përpoq të thyente rekordin e Guinness, kishte qarë shtatë ditë – gjatë procesit u verbua përkohësisht

Tembu Ebere e detyroi veten të qajë për shtatë ditë, dhe thotë se përkohësisht ishte verbuar ndërsa mania për bëmat ekscentrike të qëndrueshmërisë përfshin Nigerinë.

Rekordet botërore të Guinness kanë parë një rritje të përpjekjeve rekord në vendin më të populluar të Afrikës në muajt e fundit, të nxitur nga maratona e gatimit katërditorë e një kuzhinieri që tërhoqi vëmendjen e publikut, transmeton Telegrafi.

Tembu Ebere, i cili u përpoq të qante pa pushim për shtatë ditë, tha se ka pasur dhimbje koke, sy dhe fytyrë të fryrë, dhe pjesërisht u verbua në mes të përpjekjeve të tij, transmeton Telegrafi.

“Më duhej të ndryshoja strategjinë time dhe të zvogëloja rënkimet e mia”, tha ai për BBC, duke shtuar se ishte i vendosur të qante drejt qëllimit të tij përfundimtar, pavarësisht vështirësive me të cilat përballej.

Gjithçka filloi në maj kur kuzhinierja Hilda Baci u përpoq të gatuante vazhdimisht për 100 orë për të “vendosur kuzhinën nigeriane në hartë”.

Përpjekja e saj ishte aq e popullarizuar sa faqja zyrtare e internetit guinnessworldrecords.com nuk funksionoi për dy ditë. Të famshmit dhe nënpresidenti i Nigerisë e brohorisnin.

26-vjeçarja arriti të durojë 93 orë e 11 minuta, të cilat mjaftuan për të thyer rekordin e mëparshëm të maratonës së gatimit të vendosur në Indi në vitin 2019. /Telegrafi/