Miteva: Arrestimi i Todoroviqit është përpjekje e dëshpëruar për të defokusuar qeverinë nga krimet e veta

Të merreni me Todoroviqin nuk është gjë tjetër veçse një ndjekje brutale politike, defokusimi nga krimet e pushtetit dhe paniku në radhët e pushtetit, tha sot zëdhënësja e OBRM-PDUKM-së, Marija Miteva, duke iu përgjigjur pyetjes së gazetarve për qëndrimin e saj lidhur me akuzën kundër ish-kryetari i Komunës Qendër, Vlladimir Todoroviq.

Miteva, duke paraqitur disa nga rastet për të cilat OBRM-PDUKM akuzon pushtetin aktual, akuzoi se prokuroria tani po zbaton urdhrat politikë të pushtetit.

“Është një përpjekje e dëshpëruar për të defokusuar qeverinë nga krimet e veta dhe folklori i zakonshëm i dështuar për presionet për ndryshime kushtetuese nën diktat bullgar që nuk do të ndodhin. Vladimir Todoroviq nuk ka qenë kryetar komune për 10 vjet dhe po aq kohë ka qenë jashtë politikës.

Të hapet një rast pas 10 vitesh, ndërsa zëvendëskryeministri Artan Grubi, familja më e afërt e të cilit bleu prona në rrugën “Maqedonia” me çmime të volitshme, dhe nipi njëzet vjeçar i Ali Ahmetit, të nxjerrë disa dhjetëra milionë euro për të blerë ‘Soravian'”, kur Dan Donçev u arratis nga vendi, edhe pse publikisht u pa në video duke ikur me një duzinë parash”, ka thënë Miteva.

Sipas Mitevës, kjo po ndodh në kohën kur kryeministri Kovaçevski, siç tha ai, po ruan pronën e tij, ndërsa qeveria e tij po i jep koncesione familjes së tij./Telegrafi/