“Se një kërcënim direkt i një funksionari për privim nga jeta të një funksionari tjetër trajtohet vetëm me padi civile, tregon që sistemi gjyqësor vazhdon të mbetet i kapur nga pushteti”, tha Visar Ganiu. Të premten, kërcënimin me jetë kreu i Çairit e denoncoi në dy stacione policore sepse dyshonte që në fillim se intervenimet për ta heshtur këtë raste kanë arritur para tij në “Bit Pazar dhe “Kisella Vodë”. Ai thotë se vetë inspektorët dhe prokurori kishin marr urdhër sesi të vepronin paraprakisht me rastin.
“Arsyen përse e kanë proceduar ashtu është e dukshme, që kur u paraqitëm në stacionet policore atë natë kishin informata, kishin urdhra se si të veprojnë dhe aty ma cekën se kjo procedurë do të ndiqet me padi private. Kjo tregon një fakt që gjyqësori është i kapur, drejtësia tek ne nuk funksionon dhe kjo tregon se gjithçka kontrollohet nga pushteti qendror,” deklaroi Visar Ganiu, Kryetar i Komunës së Çairit.
Kur një person zyrtar i zgjedhur dhe i emëruar merr kërcënim me jetë, atëherë duhet që organet e hetuesisë ta procedojnë rastin dhe jo ta lënë vetëm me padi private, thonë juristët që i kontaktuam. Por, Prokuroria vetëm se rikonfirmoi qëndrimin e Ministrisë së Brendshme të një dite më parë se ky rast mund të ndiqet vetëm pas padisë private.
“Prokuroria Publike vepron vetëm në përputhje me kompetencat ligjore dhe sipas dispozitave të Kodit penal dhe Ligjit për procedurën penale. Në rastin konkret, sipas fakteve dhe rrethanave të shqyrtuara deri në këtë moment, bëhet fjalë eventualisht për vepër penale që ndiqet me padi private nga i dëmtuari. Nëse gjatë kontrolleve nga Ministria e Brendshme sigurohen prova të tjera dhe nëse bëhet kallëzim për ndonjë vepër tjetër, do të procedohet në përputhje me rrethanat,” thanë nga Prokuroria Publike.
Ganiu tha se të hënën do të konsultohet me avokatët për të ngritur padi në Gjykatën Civile, por kërkon nga Prokuroria që ata ta hetojnë rastin dhe të parandalojnë përshkallëzim të situatës.
“Zyrtarisht nga organet kompetente asnjë informatë nuk kam. Sot nga mediat u informova që prokurori kujdestar atë natë ka vendosur që kjo duhet të vazhdohet me një padi private dhe jo të procedohet në mënyrë zyrtare edhe pse unë jam zyrtar, jam funksionar,” u shpreh Visar Ganiu, Kryetar i Komunës së Çairit, tha Visar Ganiu, Kryetar i Komunës së Çairit.
Kujtojmë që ky kërcënim me jetë dhe fyerje përmes telefonit për Viasar Ganiun dhe Izet Mexhitin, thuhet se erdhi nga bashkë partiaku i tyre i BDI-së, Muharrem Hasani, i cili po ashtu është funksionar publik, si zëvendësdrejtor i Doganave. Sherri filloi, kur Hasani i ka marr si personale kritikat e Ganiut, që ky i fundit i deklaroi për parregullsitë statutare në përgjithësi për kandidaturat e Degëve të partisë së BDI-së, të cilat pritet të mbahen me 2 korrik. /alsat.mk
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Projekti më i mirë, Piramida e Tiranës fiton çmimin e madh për Evropën Juglindore
Kosova jashtë KiE-së, deputetja finlandeze akuzon BE-në se po tregohet e butë me Serbinë
Bie nataliteti në Kosovë, ASK dhe MPB me statistika të ndryshme për lindjet
Kosova jashtë KiE, Mujanoviq: BE po çon ujë në ‘mullirin’ e Vuçiqit
Plagosje me armë zjarri në Nashec të Prizrenit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore