Veçoria ‘Following’ në Google News së shpejti do t’ju tregojë përmbajtje me interes për ju

Një ndryshim po vjen në aplikacionin Google News, apo më sakt në skedën “Following” që gjendet në fund të ekranit.

Për momentin, kur klikoni tek ajo skedë, shihni sugjerime për tema dhe burime për t’u ndjekur, por nuk paraqitet asnjë përmbajtje.

Kur aplikacioni të përditësohet, skeda “Following” do të paraqesë deri në tre artikuj, secila me emrin e botimit nga është marrë dhe një imazh nga artikulli, raporton Phone Arena, transmeton Telegrafi.

Ju do të mund të shtoni tema me interes, burime specifike dhe vende të caktuara për t’ju ndihmuar të zgjidhni lajmet që do të ishin me interes për ju.

Google thotë se “artikujt e shfaqur në këtë faqe përcaktohen përmes algoritmeve të renditjes që janë të ngjashme me ato të përdorura për të shfaqur përmbajtjen në Google News.

Ndër të tjera Google bënë të ditur se skeda e rishikuar “Following” për Google News do shpërndahet së shpejti në mbarë botën për përdoruesit e Android dhe do të vijë në iOS më vonë këtë vit, ndërkaq Google gjithashtu po zhvendos programin e tij të licencimit të News Showcase në SHBA.

Kompania është zotuar të paguajë 1 miliard dollarë organizatave të lajmeve për përmbajtje nga mbi 700 organizata të lajmeve. Kjo përfshin qasje të kufizuar falas për përdoruesit në përmbajtjen që është me pagesë. /Telegrafi/