Të paktën 10 të vdekur dhe dhjetëra të lënduar pasi autobusi i pelegrinëve hindu ra në një grykë në Kashmirin e kontrolluar nga India

Një autobus që transportonte pelegrinët hindu në Kashmirin e kontrolluar nga India, rrëshqiti nga një urë autostrade në një grykë Himalaje të martën.

Si pasojë, siç raportojnë mediat e huaja, përcjell Telegrafi, kanë mbetur të paktën 10 të vdekur dhe dhjetëra të tjerë të lënduar.

Autobusi ishte rrugës për në qytetin Katra nga shteti verior i qytetit Amritsar të Punjabit kur ra në grykë pranë qytetit Jammu, tha policia.

https://twitter.com/DALIPBARU3/status/1663390384972767234?s=20

Oficeri i policisë lokale Chandan Kohli u tha gazetarëve se autobusi ishte i mbingarkuar. Ai tha se të vdekurit ishin nga shteti Bihar lindor i Indisë.

Banorët dhe autoritetet kanë shkuar në vendngjarje dhe kanë nisur një operacion shpëtimi ndërsa të lënduarit janë shtruar në spital.

#WATCH | J&K | A bus from Amritsar to Katra fell into a gorge in Jammu. As per Jammu DC, 7 peopled died and 4 critically injured; 12 others also sustained injuries.

Visuals from the spot. pic.twitter.com/iSse58ovos

— ANI (@ANI) May 30, 2023

Faltorja e Vaishno Devi në Katra është shumë e nderuar nga hindutë dhe qindra mijëra e vizitojnë atë çdo vit.

India ka disa nga normat më të larta të vdekjeve rrugore në botë, me qindra mijëra njerëz të vrarë dhe të plagosur çdo vit. Shumica e aksidenteve vijnë si pasojë e drejtimit të pakujdesshëm, rrugëve të mirëmbajtura keq dhe automjetet e vjetruara. /Telegrafi/