Nesër fillon Prishtina Max Fest 2023

Edicioni i tretë i Festivalit më të madh jo komercial “Prishtina Max Fest” do të fillojë këtë të diel, më 7 maj dhe do të zgjasë deri më 9 maj.

Në sheshin më të ri të “George Bush”, Max Travel ka përgaditur shumë surpriza, aktivitete të ndryshme dhe megakoncerte për të gjitha grupmoshat.

Por më e rëndësishmja është se nesër në këtë event madhështor, i cili është organizuar dhe zhvillohet nën mbikëqyrjen e Max Travel, sjell në Kosovë mbi 50 përfaqësues të hoteleve nga Turqia, Dubai dhe Egjipti për të informuar qytetarët e Kosovës nga afër për gjithçka rreth hoteleve dhe sezonit veror 2023.

Festivali më i madh jo komercial në Kosovë do të jetë i hapur për 3 ditë me radhë duke filluar nga ora 10:00-23:00 në sheshin George Bush në Prishtinë.

Në ditën e parë, Prishtina MaxFest është e rezervuar për fëmijët me një program të plotë që nga mëngjesi, në sheshin George Bush, fëmijët do të mund të argëtohen me palaçon, maskota e ndryshme, të bëjnë ngjyrosjen e fytyrës dhe duke vazhduar më pas me vallëzime dhe koncert posaçërisht për ta dhe shumë lojëra dhe aktivitete të tjera. Në anën tjetër qytetarët do të informohen vazhdimisht nga përfaqësuesit dhe stafi i Max Travel në lidhje me hotelet, si dhe të bëjnë rezervimet e pushimeve të tyre tek agjentët e shitjes së Max Travel. Kjo ditë do të përmbyllet me një Mega Koncert FALAS në po të njëjtin vend ku për të gjithë qytetarët do të performojnë DJ, Bardhi, Elvana Gjata dhe shumë surpriza të tjera të përgatitura enkas për ju.

Panairi më i madh i turizmit në Kosovë, Prishtina Max Fest do të vazhdojë edhe në ditën e dytë në sheshin George Bush, i cili do vazhdojë të informojë të gjithë qytetaret për destinacionet dhe hotelet më të njohura në Turqi, Dubai dhe Egjipt. Ndërsa pasditja i kushtohet përfaqësuesve të hoteleve, agjentave dhe përfaqesues të aviokompanive në një darkë speciale me dyer te mbylllura, ku prezent në këtë darkë do të jenë edhe shumë personazhe nga instancat e larta shtetrore. Mbrëmja do të kulmoj në sheshin George Bush në Prishtinë me një Mega Koncert FALAS për të gjithë ku përveq surprizave të shumta, për qytetarët do të performojnë DJ, Offchestra, Melinda dhe Cozman.

Duhet theksuar se edhe gjatë ditës së tretë të gjithë të interesuarit mund të jenë pjesë e panairit të hoteleve gjatë gjithë ditës, e në të njëjtën kohë me rastin e shënimit të ditës së Tokës, Max Travel së bashku me organizatën TOKA, ka përgatitur shume lojëra, dhurata, sfida e aktivitete të ndryshme për fëmijët, ku të gjithë fëmijët do të kenë mundësinë edhe të ngjyrosin banerin unik “THE WORLD IS YOURS TO EXPLORE” të përgatitur enkas për ta.

E i gjithë ky festival madhështor do të kulmojë natën e 9 Majit me një super koncert nga ora 19:30 FALAS për publikun në sheshin George Bush, ku për të gjithë të pranishmit do të performojnë Sabri Fejzullahu, Pint Lyrical Son & Mc Kresha, Shemi dhe Ilirët edhe shumë surpriza të tjera gjatë mbrëmjes.

Bëhuni pjesë e Prishtina Max Fest 2023 nga data 7,8 dhe 9 Maj sepse Max Travel nuk do t’ju kursej nga surprizat e tjera të përgatitura për ju.