LSDM: Rritja e shumicës parlamentare është një disfatë e radhës për Mickoskin

Të gjitha gënjeshtrat e Hristijan Mickoskit për një shumicë të re parlamentare ranë në ujë. Mbrëmë, më 27 shkurt, ministrat e rinj në Qeveri u votuan me 65 deputetë “për” dhe pa asnjë votë kundër, që paraqet rritje të shumicës aktuale parlamentare, thuhet në kumtesën e sotme të LSDM-së, përcjell Telegrafi Maqedoni.

Nga LSDM thonë se për 10 ditë deputetët e OBRM-PDUKM-së u përpoqën ta zgjasin zgjedhjen e ministrave të rinj përmes debateve të gjata dhe të pakuptimta, ku folën për gjithçka përveç temës.

“Deputetët e OBRM-PDUKM-së për 10 ditë bllokuan zgjedhjen e ministrave dhe kështu penguan punën e ministrive të caktuara, në dëm të qytetarëve, kështu që në fund, si shumë herë më parë, kur erdhi koha e votimit, mund të as nuk votojnë kundër propozimeve që kritikuan aq shumë.

Rritja e shumicës parlamentare është një humbje e re për veprimet e Mickoskit dhe një ekspozim i ri i gënjeshtrave të tij se Kuvendi nuk vetëm sa nuk është shpërbërë”, shtojnë nga LSDM./Telegrafi/