Nëpunësit e administratës publike që jetojnë jashtë Shkupit kërkojnë që t’u paguhen shpenzimet e udhëtimit

Nëpunësit administrativ që jetojnë jashtë qytetit të Shkupit e që udhëtojnë drejt kryeqytetit për në vendet e tyre të punës, i kërkojnë Kuvendit dhe Qeverisë që t’u njihen shpenzimet rrugore.

Në kërkesën e tyre ato shprehen se ndjehen të diskriminuar për shkak të shpenzimeve të larta ku një pjesë e konsiderueshme e pagës shkon për shpenzime rruge dhe po ashtu paguajnë edhe taksë rrugore.

“Ne së nëpunës administrativ që jetojmë jashtë Shkupit, duke sakrifikuar i mohojmë këto probleme të përditshme me të cilat përballemi me qëllim që të japim kontribut vendit. Duke marrë parasysh kohën që e harxhojmë në rrugë si dhe rrezikun ditor që marrim duke udhëtuar nga 100 deri në 200 kilometra çdo ditë, kërkojmë nga Qeveria që të marë masa përkatëse me qëllim njohjen e shpenzimeve të udhëtimit ose sigurimin e banimit për nëpunësit administrativ që jetojnë jashtë Shkupit”, thuhet në kërkesën e tyre drejtuar Qeverisë.

Në fund po ashtu si shtojcë janë bashkëngjitur edhe nënshkrimet e mbledhur që kërkojnë njohjen e shpenzimeve rrugore./Telegrafi/