FSSH Maqedoni: Pasi të rregullohet sistemi, do të paguhen rrogat, pushimet mjekësore dhe pushimet e lindjes

Fondi i Sigurimeve Shëndetësore (FSSH) informon publikun se ekipet teknike po punojnë në vazhdimësi për funksionalizimin e plotë të sistemit, ndërkohë që Fondi ka nxjerrë disa zgjidhje të përkohshme që kapërcejnë disa nga problemet me sistemin e tyre.

Prej atje thonë në këtë moment, Fondi hyn në komunikim me institucionet shëndetësore publike për mbledhjen e dokumentacionit të nevojshëm për pagesën e pagave.

“Për sa i përket pagesës së pushimit mjekësor, pushimit të lehonisë dhe rimbursimit, ju njoftojmë se me vënien në funksion të plotë të sistemit, do të paguhen të gjitha detyrimet e FSSH-së ndaj të siguruarve, si dhe ndaj institucioneve shëndetësore. Lidhur me problematikën me të cilën po përballet FSSH, ju njoftojmë se FSSH po shfrytëzon kapacitetet dhe njohuritë e të gjithë ekspertëve të IT-së të brendshëm dhe të jashtëm për të cilat ka mundësi ligjore. Në lidhje me personat e siguruar që për çfarëdo arsye ndryshojnë mjekun e familjes (përfshirë edhe daljen në pension të mjekut të mëparshëm të familjes), janë hartuar udhëzime për mjekët e familjes se si të veprojnë në një rast të tillë, thuhet në njoftimin e Fondit.

Më tej bëjnë të ditur edhe një herë se nga analiza e ekipeve teknike eksperte është konstatuar se gjatë sulmit kibernetik nuk ka pasur derdhje të të dhënave jashtë bazave të Fondit./Telegrafi/