Katër njerëz në Mbretërinë e Bashkuar janë fitues të lotarisë dhe janë bërë milionerë, por ende nuk e dinë këtë

Katër njerëz në Mbretërinë e Bashkuar janë bërë milionerë, por ende nuk e kanë kuptuar këtë.

Sipas mediave britanike, përcjell Telegrafi, ngjarja e EuroMillions të premten e kaluar pa 100 milionerë të garantuar në të gjithë Evropën, me 31 prej tyre që vinin nga Mbretëria e Bashkuar.

Por katër nga këta mbajtës të biletave britanike nuk kanë dalë ende për të kërkuar çmimin e tyre “që u ndryshon jetën”.

Nuk dihen shumë detaje rreth tyre, përveç se tre prej tyre i kanë blerë biletat në një pikë dhe një i ka blerë online.

Këshilltari i lartë i fituesve në Lotarinë Kombëtare, Andy Carter, tha: “Imagjinoni të bëheni një milioner dhe të mos e dini”.

“… Ne po u bëjmë thirrje të gjithë lojtarëve të EuroMillions që të kontrollojnë biletat e tyre ose të hyjnë në llogarinë e tyre Kombëtare të Lotarisë për të parë nëse janë një nga katër fituesit tanë që mungojnë prej 1,000,000 £”.

Sipas mediumit britanik, me të gjitha shortet e Lotarisë Kombëtare, lojtarët kanë 180 ditë nga dita e shortit për të kërkuar çmimin e tyre nëse kanë biletën fituese.

Detyra e Andy është të ndihmojë fituesit përmes ndryshimit “të madh” që vjen me fitimin e një shume kaq të madhe parash.

Ai më parë i tha Metro.co.uk se si ekipi i tij organizon takime me këshilltarët ligjorë dhe financiarë për të ndihmuar me elementët praktikë.

Por fituesve u jepet gjithashtu shumë mbështetje emocionale.

“Fitimi i lotarisë të jep shumë e shumë mundësi për të bërë shumë gjëra fantastike, por kërkon pak të mësohesh me të”, shtoi Andy. /Telegrafi/