Kovaçevski: Ka progres në bisedimet me Aleancën për hyrje në Qeveri

Kryeministri Dimitar Kovaçevski informoi sot se ka progres të mirë në bisedimet me Aleancën për Shqiptarët (ASH) për hyrjen e tyre në Qeveri.

Sipas tij, ka progres si në objektivat e programit ashtu edhe në stafin e ri.

“Partia Alternative është gjithashtu një partner i rëndësishëm i Qeverisë. Gjatë ditës së sotme dhe nesër do të ketë bisedime me Gashin dhe kolegët e tij. Shpresoj se do të mund të arrihet një rezultat pozitiv nga ato bisedime, në mënyrë që të gjithë të vazhdojmë të ndërtojmë një koalicion të Maqedonisë evropiane, me qëllim të hyrjes në BE deri në vitin 2030”, tha Kovaçevski në një konferencë për media në Qeveri.

Kovaçevski nuk mendon se ka pasur problem me Drejtorinë doganore dhe DAP në marrëveshjen për shpërndarjen e çështjeve të personelit.

“Në përgjithësi nuk ka pasur asnjë problem me institucionet. Bisedimet janë në një frymë dhe atmosferë të mirë që ka për qëllim arritjen e marrëveshjes, në mënyrë që shteti të ketë shumicën në Kuvend me një qëndrim të vetëm për integrimin e Maqedonisë, tha kryeministri./Telegrafi/