Ambasadorja amerikane në Tiranë, Yuri Kim ka uruar shqiptarët për ditën e fundit të 2022-shit.
Ajo u shpreh se ka qenë një vit i mbushur me sfida, mundësi të jashtëzakonshme dhe ngjarje historike.
Diplomatja amerikane theksoi se shqiptarët kanë bërë përparim gjatë këtij viti si në çështjet e demokracisë, mbrojtjes apo biznesit.
“Të dashur miq është e vështirë të besosh se viti 2022 është pothuajse në fund. Ka qenë një vit sfidash dhe mundësish të jashtëzakonshme dhe mendoj se kemi bërë shumë përparim, shqiptarë dhe amerikanë së bashku në çështjet e demokracisë, mbrojtjes dhe biznesit. Është gjithashtu mënyra e duhur për të festuar 100 vite marrëdhënie midis dy vendeve tona dhe dy popujve tanë. 2022 është plot me ngjarje historike për herë të parë. Për herë të parë në histori, Shqipëria zuri vendin e saj përkrah Shteteve të Bashkuara, si anëtare e përkohshme në Këshillin e Sigurimit të OKB-së.
Së bashku ne drejtuam agjendën drejt përparësive globale, përfshirë mbështetjen e Ukrainës përballë pushtimit brutal dhe të pajustifikuar të Rusisë. Shqipëria gjithashtu vazhdoi të shfaqë traditën e saj të “Besës”, duke iu dhënë afganëve një strehë të sigurtë gjatë rrugës së tyre drejt jetëve të reja në Amerikë. Dy vendet tona zhvilluan dialogun e parë strategjik në Uashington DC për të forcuar marrëdhëniet tona, dhe do të vazhdojmë ta ndërtojmë mbi këtë. Mirëpritëm vizitorë amerikanë të nivelit të lartë, përfshirë ambasadoren Linda Thomas- Greenfield, Ndihmës Sekretaren Karen Donfried, gjeneralë dhe anëtarë të shumtë të Kongresit nga të dyja partitë.
Viti 2022 pati gjithashtu rezultate të rëndësishme në luftën kundër korrupsionit, krimit të organizuar dhe pandëshkueshmërisë. Reforma në drejtësi nuk ka qenë e lehtë, e shpejtë apo e përsosur, ajo vazhdon të ecë përpara. Për herë të parë, trupat amerikanë janë këtu në Shqipëri në mënyrë të pandërprerë, pasi Komanda e Operacioneve Speciale e SHBA në Evropë përzgjodhi Shqipërinë si selinë e saj rajonale, ndërsa Brigada e Ndihmës së Forcave të Sigurisë Së Ushtrisë së SHBA-së ngriti një program të ri trajnimi me forcat shqiptare. Mirëpritëm edhe aeroplanmbajtësen USS Harry Truman në ujërat shqiptare. Festuam Javën e Amerikës me muzikë, ushqim, film dhe kulturë, plus një tur që e çoi Amerikën në çdo cep të Shqipërisë, nga malet në bregdet.
Festimet tona të 4 korrikut këtë vit ishin si asnjëherë tjetër, së bashku me miq në në festë që do të mbahet mend gjatë. Më 28 korrik iu bashkuam me mijëra shqiptarëve në një koncert në sheshin ‘Skënderbej’ për të festuar jo vetëm 100-vjetorin e marrëdhënieve SHBA-Shqipëri, por edhe hapjen e negociatave për hyrjen e Shqipërisë në Bashkimin Evropian. Ndamë me kënaqësi mesazhet e urimit nga ish-Sekretari i Shtetit James Baker, ish-Presidentin George Bush dhe presidentin Joe Biden. Ne forcuam lidhjet mes popullit shqiptar dhe amerikan. Vlefshmëria e re 10-vjeçare e vizave për shqiptarët e kualifikuar do të na mundësojë të zgjerojmë mundësitë e ndërsjellta për biznes, turizëm, arsim dhe miqësi…”, tha Yuri Kim. /Tch/Telegrafi/
Promo
Reklamo këtuLufta Prigozhin - Putin
Më shumëArratiset Enver Sekiraqa, policia ka informuar të gjitha vendkalimet kufitare
Arratisja e Enver Sekiraqes, flet avokatja e tij
Kupchan: Përgatitja për themelimin e Asociacionit, vendim i rëndë për Kosovën
Flet shqiptari që vrau gruan: Nuk pendohem, hante me paratë e mia dhe më tradhtonte
Serwer ngre pikëpyetje: Çfarë duhet bërë me Asociacionin?
Goditen grupet kriminale në Shqipëri, sekuestrohen pasuri në vlerë 4.5 milionë euro, arrestohen 50 persona
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare