Muhamet Haliti, tashmë ish-drejtor Mjekësor në Spitalin e Pejës, ka reaguar pas shkarkimit duke thënë se nuk është përgjegjës për rastin e foshnjës së vdekur.
Në reagimin e tij, Haliti ka bërë të ditur se për shkarkimin është njoftuar nga faqja zyrtare e Spitalit të Pejës.
Ai është shprehur i befasuar që një vendim i tillë është marrë gjatë shfrytëzimit të ditës së vikendit, pasi siç ka thënë, vendimet nuk mund të merren në vikend.
“Vendimet nuk mund të merren në vikend, meqë Zyra e Protokollit dhe e Vulës është e mbyllur e njoftimi për shkarkim pa vendim zyrtar konsideroj se është shkelje ligjore”, ka shkruar Haliti në Facebook.
Ai tutje ka thënë se rasti me foshnjën e vdekur në këtë spital nuk përputhet aspak me përgjegjësitë dhe detyrat e drejtorit mjekësor.
Sipas tij, në rastin në fjalë personeli mjekësor nuk e ka neglizhuar rastin, por ka kryer ekzaminimin e pacientës, e ka operuar me kohë, ia ka dhënë terapinë po ashtu me kohë dhe gjithçka lidhur me të është dokumentuar.
“Deri sa drejtori mjekësor është përgjegjës i punës së mjekëve, e në rastin në fjalë personeli mjekësor nuk e neglizhoi rastin duke e përfunduar kujdestarinë atë natë me përgjegjësi të plotë. Pacientja e pranuar është ekzaminuar, ajo dhe familja janë njoftuar për frytin e vdekur, pacientja është operuar me kohë, terapinë e ka marrë me kohë, gjithçka lidhur me rastin është dokumentuar dhe pacientja e pajisur me fletëlëshim është liruar në gjendje të rregullt”.
Po ashtu, ka sqaruar se foshnja e vdekur gjatë intervenimit kirurgjik i është dorëzuar mamisë që e njëjta të vazhdojë me procedura tjera.
Haliti mes tjerash ka treguar se kush janë përgjegjësitë kryesorë të këtij rasti për të cilët ka thënë se ndaj tyre drejtori ekzekutiv nuk ka ndërmarrë asnjë masë.
“Theksoj prapë se ky rast nuk është përgjegjësi e punës së mjekut. Kjo përgjegjësi bie drejtpërdrejtë mbi ushtruesin e detyrës të drejtorit të administratës Z.Selman Kelmendi. Shefit të shërbimit Teknik Z. Ardian Shala dhe mbikëqyrësit të higjienës Z.Hysë Kastrati. Ndaj të cilëve drejtori ekzekutiv nuk ka ndërmarrë kurrfarë masa për shkak të bindjes politike dhe farefisit që ka me përgjegjësit kryesorë”.
“Pra kjo është hierarkia e shërbimit teknik dhe shërbimi teknik është përgjegjës për punëtorët fizikë, pastruesit dhe punëtorët e lajtores së spitalit. Rasti ka filluar me marrjen e foshnjës nga pastruesi i cili është i suspenduar për shkak të pakujdesisë së tij, e ka dërguar ne lajtore ku prapë nga pakujdesia e punëtorëve në lajtore ka përfunduar ky rast”.
Ai ka hedhur akuza në drejtim të partisë në pushtet, Lëvizjes Vetëvendosje, duke thënë se ka ndërhyrë politikisht në shkarkimin e tij.
“Besoj se në këtë shkarkim të padrejtë timin ka ndërhyrje politike pasi që përgjegjësi kryesorë është Z.S.Kelmendi e që është një militant i partisë politike VV, ndërsa shefi I shërbimit teknik është kushëri i afërt i drejtorit ekzekutiv, prandaj në papërvojën e menaxhimit të drejtorit ekzekutiv z.Fazli Shala dhe i ndikuar nën presion e partisë politike duke filluar nga drejtoresha e SHSKUK-së dhe ushtruesja e detyrës së Ministres së Shëndetësisë është detyruar të marrë këtë vendim për ta shfajësuar përgjegjësinë e tyre morale për dorëheqje”.
Në fund, Haliti ka paralajmëruar se në këtë vendim do të bëjë ankimim ligjor dhe “shpresoj që drejtësia do të marrë vendimet e duhura”.
Spitali i Pejës njoftoi këtë të shtunë se lidhur me rastin e foshnjës së vdekur, drejtori ekzekutiv ka shkarkuar drejtorin mjekësor dhe atë për infermieri.
Foshnja e cila lindi e vdekur ditë më parë, përfundoi në rrobalarësen e Spitalit të Pejës, pasi stafi dyshohet se nuk i ka zbatuar procedurat e protokollit.
Babai i foshnjës ka treguar se e ka parë personelin mjekësor teksa i nxirrnin nga rrobalarësja pjesët e trupit të saj. Ai ka thënë se stafi i spitalit ka kërkuar që rasti të mos lajmërohet në polici.
Për këtë është hapur rast hetimi, ndërsa me vendim të Ministrisë së Shëndetësisë nga puna është larguar edhe u.d. i kryeinspektorit të Inspektoratit Shëndetësor, Shaban Osmanaj si dhe shefi dhe kryeinfermierja e Repartit të Gjinekologjisë. Po ashtu janë suspenduar edhe shtatë punonjës të spitalit. /Telegrafi/
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Kosova jashtë KiE-së, deputetja finlandeze akuzon BE-në se po tregohet e butë me Serbinë
Kosova jashtë KiE, Mujanoviq: BE po çon ujë në ‘mullirin’ e Vuçiqit
Operacioni i SPAK, RENEA ‘zbarkon’ në vilat e bosëve të krimit, ngjiten me shkallë
Plagosje me armë zjarri në Nashec të Prizrenit
Vjosa Osmani në Clinton Global Initiative në Bullgari
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë