Riktheni vitet 2000 me produktet më të mira nga essence

Të gjithë i mbani në mend trendet e bukurisë së viteve 2000, por për një kohë të gjatë vetullat e holla, paleta blu dhe buzët me shkëlqim nuk janë preferuar shumë. 20 Vjet pas këto të trija po bëjnë një rikthim të fuqishëm në trendet e vitit 2022.

Thuani lamtumirën e fundit paletave të errëta dhe mirëpritni ato me ngjyra të ndezura dhe me shumë shkëlqim. Duke kthyer pas në kohë dukjen e Britney Spears është mënyra më e mirë për të bërë prezantimin e këtyre produkteve, sepse tek essence mund të gjeni shumë të tilla që na kthejnë tek trendet e vjetra por që kanë lënë gjurmë në historinë e make up –it.

Josie Martines, eksperte në këtë fushë dhe njohëse shumë e mirë e essence tregon gjërat më të rëndësishme rreth stilit dhe si mund t’i përdorni ato.

Rikthimi i vetullave të holla

Pas një kohe të gjatë të vetullave të trasha dhe natyrale, vetullat e holla të viteve 2000 po kthehen prapë, por nuk do të mbahen në mënyrë aq ekstreme në vitin 2022. Vetullat do të duken më të holla dhe të përafërta me natyralitetin e tyre.  Një model i vetullave të tilla janë ato të Bella Hadid.

Cilat janë produktet e duhura për vetulla të holla por natyrale njëkohësisht?

Krejt çfarë ju duhet është një gell për vetulla në nuancën e ngjyrës natyrale të tyre për t’i mbushur dhe për t’i theksuar ato.  Brow like a boss ink brow gel është produkti i duhur pikërisht për shkak të brushës por edhe diversitetit të ngjyrave për rezultatet e dëshiruara. Veç këtij produkti mund të përdorni edhe lapsin me efekt 24 orësh për të njejtin efekt dhe rezultat.

Brow like a boss ink brow gel

Ky gell për vetulla ka përmbajtje vegane dhe vjen në katër nuanca të ndryshme, për secilin tip të vetullave. Tekstura zgjatë për 72 orë dhe është rezistente ndaj ujit.

SUPERLAST 24h eyebrow pomade pencil waterproof

Ky laps me ngjyrë dhe përmbajtje kremoze thekson formën e vetullave, i mbush ato dhe ka efekt që zgjatë për tërë ditën. Brusha prej silikonit ndihmon në perfeksionizmin e formës së vetullave.

Rikthimi i grimit të syve ‘Frosty Eyes’

Paletat në nuanca metalike janë i ashtuquajturi grim ‘Frosty Eyes’, sytë që shkëlqejnë gjatë gjithë ditës. Fokusi i këtij viti janë paletat dhe nuancat e të kaltërtës, por një kohësisht e vjollca, rozë dhe minti. Detaji kryesor i këtij lloji të grimit të syve është të përshtatet me pjesën tjetër të grimit, pra të jetë në harmoni me të.

Si të krijoni ‘Frosty Eyes’?

Për këtë lloj grimi duhet të përdorni ngjyrat e lartëcekura të paletave dhe t’i shpërndani ato mirë me brushën adekuate. Duke u bazuar në stilin e serialit ‘Euphoria’, më lartë syve mund të vendosni eyeliner ose xixa për dukje sa më moderne. Me lapsin LONG-LASTING eye pencil lehtësisht mund të krijoni një dukje të tillë.

LONG LASTING eye pencil

Me mekanizmin e tij inovativ ky lloj lapsi mundëson aplikim të lehtë dhe me me jetëgjatësi për tërë ditën. Përveç ngjyrave të errëta dhe klasike mund të gjeni edhe ngjyra të hapura dhe me shkëlqim.

Paletat

Nuancat mat dhe metalike të paletave për sy që kanë jetëgjatësi dhe shumë pigment padyshim se nuk dalin nga moda. Falë teksturës që kanë mund të përdoren veçmas dhe si kombinime, mbi secilën ngjyrë dominon aroma e vaniljes.

Madhështia e buzëve me shkëlqim

Transparente apo me ngjyrë, fare nuk ka rëndësi nëse në fazën e fundit përdorni pak shkëlqyes buzësh, sepse këtë vit do të jenë shumë në trend. Kjo ka ndodhur edhe si shkas i familjes Kardashian/Jenner, për shkak se të gjitha kanë buzë voluminoze dhe i mbajnë me shumë shkëlqim. Në përditshmëri ose në raste të veçanta, shkëlqyesi i buzëve është çdo herë i mirëseardhur, varësisht a preferoni dukje më natyrale apo më ekstravagante.

Si ta rrisni volumin e buzëve me shkëlqyes?

Nëse dëshironi ta rrisni volumin e buzëve me shkëlqim si fillim përdorni një laps për kufizimin e tyre. Nuanca e lapsit preferohet të jetë më e errët sesa ajo e natyrale e buzëve. Sekreti i buzëve voluminoze qëndron te kufizimi jashtë konturave të buzëve si dhe në mes të tyre.

STAY 8h WATERPROOF LIPLINER

Lapsi me qëndrueshmëri 8 orëshe dhe rezistent ndaj ujit, i dedikuar për kufizimin e buzëve, nuk do të t’iu bëj të ndjeheni sikur keni buzë më të thata falë teksturës që ka.