Edhe pak ditë kanë mbetur deri tek fillimi i mini maratonës humanitare ‘Vrapo Babadimër’

Për të shtatën herë radhazi në qytetin e Prishtinës do të mbahet mini maratona humanitare ‘Vrapo Babadimër’.

Ju ndajnë vetëm edhe pak ditë deri tek fillimi i saj me datën 25 dhjetor, e dielë në orën 12:00.

Me grumbullimin e të hollave për kostumet e babadimrit të cilat duhet t’i keni me patjetër gjatë maratonës priten që këtë vit të vrapojnë mbi 1 mijë babadimra dhe të rritet numri i ndihmave për  familjet në nevojë.

Një event sado i këndshëm e me atmosferë festive por që në thelb ka qëllim bamirësinë dhe humanitetin ndaj atyre që kanë me të vërtetë nevojë për ndihmë.

Përveç maratonës do të keni mundësi të shijoni muzikën dhe performancat e ndryshme në kuadër të këtij eventi që ka marrë vëmendjen e mediave të ndryshme botërore.

Vlen të ceket se mini maratona ‘Vrapo Babadimër’ gëzon mbështetjen e komunës së Prishtinës, sponzorëve të ndryshëm e gjithashtu edhe atë të KFOR-it.

Një kostum për ty është ndihmë për dikë tjetër, andaj mos hezitoni të bëheni pjesë e këtij organizimi.