Momenti kur ish-kryeministri britanik, Tony Blair u prit si hero në rrugët e Kosovës pas luftës do të përfshihet tashmë në “The Crown”

Mikpritja e Tony Blair si hero në rrugët e Kosovës në vitin 1999 u rikrijua për dramën mbretërore të Netflix, “The Crown”.

Produksioni e transformoi Southend-on-Sea, Essex, në rrugët e shtetit ballkanik për të filmuar pamjen e tyre për Tony Blair – luajtur nga Bertie Carvel – teksa vizitoi vendin, që tani ka shumë ‘Tony’ dhe ‘TonyBlair’ të emëruar pas tij.

Ishte hera e parë e Blairit në Kosovë pas fushatës ajrore të NATO-s kundër Jugosllavisë që detyroi presidentin Slobodan Millosheviç t’i jepte fund goditjes kundër shqiptarëve etnikë, shkruan DailyMail, transmeton Telegrafi.

Tony i vërtetë vizitoi Prishtinën, kryeqytetin e Kosovës, të shtunën më 31 korrik 1999 dhe u përshëndet nga adhuruesit që shpërndanin dashuri ndaj tij.

Lexo po ashtu Të gjitha lajmet nga Tony Blair

Njerëzit brohoritën kryeministrin britanik, i dhanë dorën, i dhanë lule dhe madje edhe e puthnin.

Blair mbolli një pemë për të përfaqësuar rindërtimin e Kosovës, raportoi CNN në atë kohë.

“Ajo që më ka dhënë kënaqësi është të shoh fëmijët e vegjël në paqe në atdheun e tyre”, kishte deklaruar ai asokohe.

“Kjo është shpresa që kemi për të ardhmen. Kjo shpresë qëndron në qindra prej këtyre fëmijëve”.

Kryeministri laburist tha gjithashtu se është e rëndësishme të pajtohet me armiqtë e vjetër dhe që Kosova të jetë në ‘familjen e kombeve në Evropë… me sigurinë dhe prosperitetin që vjen nga të qenit pjesë e Evropës”.

I njëjti vizitoi Kosovën sërish më 12 korrik 2010 dhe mijëra njerëz brohoritën emrin e tij dhe valëvitën flamujt kosovarë dhe britanikë ndërsa ai po shkonte në një skenë të improvizuar në sheshin kryesor të kryeqytetit Prishtinë.

Shumë rrugë në Kosovë u riemëruan për nder të vendimit të tij për të mbështetur përfshirjen e NATO-s në konflikt.

Rrëshqitja historike e ish-kryeministrit për partinë Laburiste në zgjedhjet e përgjithshme të vitit 1996 u shfaq në episodin e fundit të serisë së “The Crown”, e cila u publikua në nëntor.

Xhirimet për këtë episod të serisë së ardhshme të “The Crown” u zhvilluan në Qendrën Civile Veriore në Southend-on-Sea. /Telegrafi/