Becky G fejohet me futbollistin Sebastian Lleget

Artistja e njohur, Becky G dhe partneri i saj, Sebastian Lletget janë fejuar.

Ylli latin i popit, 25 vjeç, njoftoi të premten (9 dhjetor) se i dashuri i saj ylli i futbollit, 30 vjeç, u ul në një gju dhe i propozoi pas gjashtë vitesh lidhje.

“Vendi ynë përgjithmonë “, ka shkruar këngëtarja e “Shower” në Instagram një seri fotografish nga propozimi.

Një nga fotot tregonte momentin kur Lletget i propozoi ndërsa dyshja shikonin perëndimin e diellit në një shëtitore.

Në një tjetër foto, çifti i sapofejuar u përqafua ndërsa Becky tregonte unazën e saj masive, ovale nga diamanti.

Miqtë e famshëm dhe fansat e  çiftit nxituan t’i uronin në seksionin e komenteve.

Edhe pse dyshja e kanë mbajtur romancën e tyre relativisht private, Becky së fundmi zbuloi se lidhja e tyre ishte më e fortë se kurrë.

View this post on Instagram

A post shared by Becky G (@iambeckyg)

“Ne kemi qenë së bashku për më shumë se gjashtë vjet tani dhe është krejt e re në shumë mënyra, sepse ne me të vërtetë po përqafojmë ndryshimet që po ndodhin në jetën tonë, brenda vetes dhe po mbështesim njëri-tjetrin në këtë”, tha këngëtarja e “Mayores” për People në tetor, duke shtuar se “gjërat kanë qenë vërtet në linjë” për çiftin.

“Unë mendoj se shumë njerëz mendojnë se marrëdhëniet thjesht ndodhin – dhe ato nuk ndodhin thjesht. Të biesh në dashuri është një gjë, dhe unë mendoj se të qëndrosh i dashuruar është një gjë tjetër. Jam shumë krenare për faktin se ai është shoku im më i mirë”, kishte deklaruar ylli i muzikës. /Telegrafi/