Na’Vi ka fituar kampionatin botëror në video-lojën PUBG

Ekipi Na’Vi është shpallur kampion botëror pasi treguan lojë fantastike në turneun PUBG Global Championship.

PUBG Global Championship është turneu më i madh i video-lojës PUBG ku garojnë skuadrat më të mira të vitit për një grup çmimesh rreth 2 milion dollarë.

Gjithsej 16 skuadra të përbëra nga katër lojtarë garojnë ndaj njëra tjetrës, ku fitojnë pikë nga renditja dhe nga eliminimet.

Ekipi i Na’Vi ka arritur që në 20 ndeshje të zhvilluara të realizoj 114 eliminime si dhe 65 pikë të tjera nga renditjet.

Ata arritën që të dalin fitues në tri mapa, dy herë në ‘Miramar’ dhe një në ‘Erangel.

Si fitues të vendit të parë me 179 pikë ekipi i Na’Vi ka fituar çmimin prej më shumë se 1 milion dollarësh, ndërsa në vendin e dytë ishte ekipi 17 me 168 pikë të cilët fituan rreth 500.000 dollarë.

Çmimin prej 10.000 dollarësh si MVP i këtij turneu e fitoi lojtari i ekipit Na’Vi Artem ‘xmpl’ Adarkin me 32 eliminime dhe 15 asistime. /Telegrafi/

ALL RISE FOR THE PGC 2022 MVP: @xmpL8! pic.twitter.com/n6SJ9Y4H5I

— PUBG Esports (@PUBGEsports) November 20, 2022